6 years ago
September 22, 2018
इंग्ल्यान्ड (एजेन्सी)– गत वर्ष इंग्लिस प्रिमियर लिगमा सर्वाधिक गोल गरेका मोहमद सलाह प्रति यस सिजन धेरै गोलको आशा नरहेको लिभरपुलका प्रशिक्षक योर्गेन क्लोपले बताएका छन् । प्रशिक्षक क्लोपले सलाहलाई अगाडी बढाएर समस्या परिहेको समेत बताएका छन् ।
२६ बर्षीय इजिप्ट राष्ट्रिय टिमका फरवार्ड सलाहले पछिल्लो सिजन सबै खाले खेलमा ४४ गोल गरेका थिए । उनले प्रिमियर लिगमा मात्र ३६ खेल खेल्दै ३२ गोल गरेका थिए । यस सिजन सुरुवाती ६ खेलमा उनले दुई गोलमात्र गरेका छन् । तर, गत सिजनको सुरुवातमा उनले यस चरणमा एक गोल बढी गरेका थिए ।
‘कसैले पनि याद गर्दैनन् की गत सिजन सलाहले कसरी सिजनको सुरुवात गरेका थिए’ क्लोपले भने । सालाहले प्रिमियर लिगको पहिलो खेलमा वेष्ट ह्यामविरुद्ध आफ्नो पहिलो गोल गरेका थिए । तर,चार हप्ता अगाडी ब्राइटनविरुद्ध आफ्नो दोस्रो गोल गरेपछि उनले आफ्नो व्यक्तीगत तेस्रो गोल गर्न सकेका छैनन् । ‘यो पक्कैपनि संकटको अवस्था हो’ क्लोपले ठट्टा गर्दै भने, ‘यथार्थमा यो कुनै समस्या होईन ।’
लिभरपुलले सुरुवाती ५ खेलमा जित निकालेको छ र लिग तालिकाको दोस्रो स्थानमा छ । ‘हामीले गत बर्षको जस्तो गोलको अपेक्षा गरेका छैनौ । तर सम्भव भएसम्म गोल होस भन्ने कामना गछौ । रक्षात्मक रुपमा भन्दा पछिल्ला दुई खेल निकै उत्कृष्ट छन् ।’ क्लोपले भने, ‘सालाहको बारेमा भन्नु पर्दा उनी टिमकालागि काम गर्न निकै तयार छन् । फरवार्ड लाईनमा भएका खेलाडीका लागि गोल गर्न नसक्दा समस्या हुनु सामान्य हो । तर, उनी अहिले पनि एक खतरा हुन । दुवै खेलमा उनी शानदार अवस्था र राम्रो आकारमा छन् ।’
May 6, 2024
काठमाडौं (हाम्रो खेलकुद)- एनआइसी एसिया बैंकले राष्ट्रिय महिला फुटबल तथा त्रिभुवन आर्मी क्लबकी गोलकिपर अन्जना रानामगरलाई आफ्नो ब्राण्ड प्रमोटर नियुक्त गरेको छ। गत वर्ष फागुनमा साउदी अरबमा भएको वाफ च्याम्पियनसिपमा दोस्रो भएको नेपाली राष्ट्रिय महिला टोलीको सम्मानमा बैंकले सोमबार आयोजना कार्यक्रमकै दौरान अन्जनालाई ब्राण्ड प्रमोटरको रुपमा घोषणा गरेको हो।
May 6, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने भएको छ । एसियाली फुटबल महासंघ (एएफसी) ले गत साता गरेको रंगशाला निरीक्षणपछि रंगशालाको विभिन्न पक्षमा प्रश्न उठाएको हो । एन्फा महासचिव किरण राईका अनुसार रंगशालाको मैदानको पिच, फ्लड लाइट र सुरक्षा सम्बन्धि विषयमा एएफसीले गम्भीर […]
May 6, 2024
काठमाडौं (हाम्रो खेलकुद)– एभरग्रिन कन्स्ट्रकसन एन्ड कन्स्लटेन्सी प्रालिले राष्ट्रिय फुटबल टोली तथा एपिएफकी फरवार्ड सविता रानामगरलाई नगदले पुरस्कृत गरेको छ । प्रालिका अध्यक्ष अभिषेक कोइराला र मेनेनजर स्रदिप प्रधानले सोमबार सवितालाई चेक हस्तान्तरण गरेका थिए । साउदी अरबमा फागुनमा भएको वाफ च्याम्पियनसिपमा उच्च प्रदर्शन गरेकामा भन्दै प्रालिले उनलाई नगदले पुरस्कृत गरेको हो । जोर्डनसँगको फाइनलमा […]