6 years ago
September 22, 2018
लन्डन (एजेन्सी)- इंग्लिस प्रिमियर लिग फुटबलमा यो सिजन उच्च प्रदर्शन गरिरहेको मर्सिसाइड क्लब लिभरपुलले साउथह्याम्पटनसँग प्रतिस्पर्धा गर्दैछ । खेल लिभरपुलको घरेलु मैदान एनफिल्डमा साँझ ७ः४५ बजेपछि शुरु हुनेछ ।
अघिल्ला पाँच खेलमा शतप्रतिशत जित निकालेको लिभरपुल आफ्नो अपराजित यात्रालाई साउथह्याम्पनविरुद्धको खेलमा पनि दिने योजनामा हुनेछ । लिभरपुलले यसअघिका पाँच खेलमा वेस्टह्याम युनाइटेड, क्रिस्टल प्यालेस, ब्राइटन होभ अल्वियोन, लेस्टर सिटी र टोटनह्यामलाई पराजित गरेको थियो ।
यस्तै च्याम्पियन्स लिगमा फ्रेन्च लिग वान क्लब पेरिस सेन्ट जर्मेन (पीएसजी) लाई ३–२ ले पराजित गरेको थियो । यही उच्च मनोवलका साथ लिभरपुल मैदान उत्रनेछ । समान १५ अंक भएपनि लिभरपुल गोलअन्तरमा चेल्सीपछि दोस्रो स्थानमा छ । यता, साउथह्याम्पटन लिभरपुललाई घरेलु मैदानमा स्तब्ध पार्ने योजनामा मैदान उत्रनेछ ।
लिगका पाँच खेलमध्ये एक खेलमा मात्र जित हात पारेको साउथह्याम्पन लिभरपुललाई प्रिमियर लिगमा पहिलो हार चखाउदै दोस्रो जितको खोजीमा हुनेछ । साउथह्याम्पटनले क्रिस्टल प्यालेसमाथिमात्रै जित निकाल्दा एभर्टन र लेस्टर सिटीसँग पराजित भएको थियो । बर्नली र ब्राइटन एन्ड होभ अल्वियोनसँग बराबरी खेलेको थियो । साउथह्याम्पटन ५ अंकसहित १३औं स्थानमा छ ।
प्रिमियर लिगका आजका खेलहरु
बर्नली विरुद्ध बर्नमाउथ (साँझ ७ः४५ बजे)
कार्डिफ सिटी विरुद्ध म्यानचेस्टर सिटी (साँझ ७ः४५ बजे)
क्रिस्टल प्यालेस विरुद्ध न्यु क्यासल युनाइटेड (साँझ ७ः४५ बजे)
लेस्टर सिटी विरुद्ध हडर्सफिल्ड टाउन (साँझ ७ः४५ बजे)
म्यानचेस्टर युनाइटेड विरुद्ध वल्भरह्याम्पटन (साँझ ७ः४५ बजे)
ब्राइटन होभ अल्वियोन विरुद्ध टोटनह्याम हस्टपर (राति १०ः१५ बजे)
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]