१२औं दक्षिण एसियाली खेलकुदमा स्वर्ण पदक विजेता नेपाली खेलाडीहरुलाई पोखरामा सम्मान गरिएको छ । शनिवार बिहान आयोजित कार्यक्रममा खेलाडीहरुलाई नगर परिक्रमा सहित नगद पुरस्कारले सम्मान गरिएको थियो ।
सहारा क्लब, पोखराले आयोजना गरेको कार्यक्रममा उसुकी निमा घर्ति मगर र फुटबल टोलीका सदस्यहरुको उपस्थिति थियो । जुडोकी फुपू ल्हामु भने प्रशिक्षणक लागि हंगेरीमा रहेकी हुनाले उपस्थित हुन सकिनन् ।
खेलाडीहरुलाई एक कार्यक्रममाझ नगद दश हजार सहित सम्मान गरिएको थियो । कार्यक्रममा पोखरामा १३औं दक्षिण एसियाली खेलकुदको आयोजना गर्ने बिषयमा पनि चर्चा गरिएको थियो ।
