8 years ago
March 31, 2016
काठमाडौं – सञ्चारकर्मीको टोलीले बुधबार मैत्रीपूर्ण खेलमा राजनीतिकर्मीको टोलीलाई ३–२ ले पराजित गरेको छ । नेपाल पत्रकार महासंघको ६१ औं स्थापना दिवसको उपलक्ष्यमा आयोजित मैत्रीपूर्ण खेलमा सञ्चारकर्मीको टोलीलाई जित दिलाउन कान्तिपुर दैनिकका सुन्दर खनालले ह्याट्रिक गरेका थिए । २–० ले पछाडी पर्नाका वावजुद राजनीतिकर्मीको टोलीले २–२ को बराबरीमा ल्याएको थियो । तर, अन्तिममा सम्हालिन नसक्दा […]
काठमाडौं – सञ्चारकर्मीको टोलीले बुधबार मैत्रीपूर्ण खेलमा राजनीतिकर्मीको टोलीलाई ३–२ ले पराजित गरेको छ ।
नेपाल पत्रकार महासंघको ६१ औं स्थापना दिवसको उपलक्ष्यमा आयोजित मैत्रीपूर्ण खेलमा सञ्चारकर्मीको टोलीलाई जित दिलाउन कान्तिपुर दैनिकका सुन्दर खनालले ह्याट्रिक गरेका थिए ।
२–० ले पछाडी पर्नाका वावजुद राजनीतिकर्मीको टोलीले २–२ को बराबरीमा ल्याएको थियो । तर, अन्तिममा सम्हालिन नसक्दा पराजय भोग्नु परेको थियो ।
सुदीप बुढाथोकीको आत्मघाती गोल र जीवन केसीको गोलबाट सञ्चारकर्मीको गोलले खेलमा बराबरी गरेको थियो । तर खेलको अन्तिम मिनेटमा सुन्दरले विजयी गोलसहित ह्याट्रिक गरेपछि नेपाल पत्रकार महासंघका अध्यक्ष महेन्द्र विष्टको नेतृत्वमा रहेको सञ्चारकर्मीको टोली विजयी भएको थियो ।
सुचना तथा सञ्चारमन्त्री शेरधन राईको कप्तानीमा रहेको राजनीतिकर्मीको टोलीमा गृहमन्त्री शक्ति बस्नेत, सांसद गगन थापा, रामहरी खतिवडा, विशाल भट्टराई, कांगे्रेस नेता गुरु घिमिरे, प्रदीप पौडेल, एकिकृत माओवादीकी धर्मशिला चापागाई नयाँ शक्तिका गंगा श्रेष्ठ थिए । त्यस्तै एमाले नेता जीवनराम श्रेष्ठ, रामकुमारी झाक्री, माधव ढुंगेल, युवा संघ अध्यक्ष राजीव पहारी, महासचिव किरण पौडेल, अखिल अध्यक्ष नविना लामालगायतले पनि राजनीतिकर्मीको टोलीबाट खेलेका थिए ।
सञ्चारकर्मीको टोलीमा उजिर मगर, प्रभात चलाउने, दीलिप थापामगर, हरिबल्ला नेपाल, रामहरी सिलवाल, सुदीप बुढाथोकी, निशान राई, दील तामाङलगायत थिए । सञ्चारमन्त्री राईले मैत्रीपूर्ण खेलले आपसी सम्बन्ध अझै प्रगाढ हुने विश्वास व्यक्त गरे । महासंघका अध्यक्ष विष्टले स्थापना दिवसको कार्यक्रममा सहभागी सबैलाई धन्यवाद दिए ।
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]