नेपाली राष्ट्रिय फुटबल टिम फिफा वरीयतामा ६ स्थानमाथि उक्लिएको छ ।
आजै जारी गरिएको नयाँ वरीयतामा नेपाल १ सय ७९ औं स्थानमा पुगेको छ । अघिल्लो महिना १ सय ८५ औं स्थानमा रहेको नेपाल २०१६को सुरुवात देखिनै माथि उक्लदै आएको छ।
दक्षिण एसियाली राष्ट्रहरुमध्ये अफगानिस्तान सबभन्दा माथिल्लो १ सय ४७ स्थानमा छ । माल्दिभ्स १ सय ६० र साफ च्याम्पियन भारत १ सय ६२ औं स्थानमा छन् । अर्को दक्षिण एसियाली राष्ट्र बंगलादेश (१७७) पनि नेपालभन्दा माथि छ ।
अन्य देशहरुमा भने भुटान १ सय ८६, श्रीलंका १ सय ८७ र पाकिस्तान १ सय ९० औं स्थनमा छन् ।
