काठमाडौं (हाम्रो खेलकुद) – पल्सर सहिद स्मारक ‘ए’ डिभिजन लिग फुटबलमा विभागीय टोली त्रिभुवन आर्मी क्लब अर्काे विभागी टोली नेपाल एपिएफ क्लबसँग स्तब्ध भएको छ ।
सातदोबाटोस्थित एन्फा कम्प्लेक्सको खेल मैदानमा आइतबार भएको दिनको पहिलो खेलमा आर्मी एपिएफसँग २–१ ले स्तब्ध भएको हो । आर्मीलाई स्तब्ध बनाउन एपिएफका आशिष लामाले २ गोल गरे । आर्मीका नवयुग श्रेष्ठले एक गोल फर्काएपनि टिमलाई हारबाट जोगाउन सकेन ।
प्रतिस्पर्धात्मक बनेको खेलको पहिलो हाफ गोलरहित बराबरीमा सकिदा तीनै गोल दोस्रो हाफमा सम्भव भएको थियो । ५७औं मिनेटमा एपिएफका आशिष लामाले गोल गर्दै एपिएफलाई अग्रता दिलाएका थिए । ८६औं मिनेटमा आशिषले नै व्यक्तिगत दोस्रो गोल रेपछि एपिएफले खेलमा २–० को अग्रता बनायो । त्यसको एक मिनेटपछि नै आर्मीका नवयुग श्रेष्ठले गोल गर्दै आर्मीलाई खेलमा फर्काउने संकेत दिएका थिए । तर, आर्मी खेलमा फर्कन असमर्थ रह्यो ।
एपिएफसँगको हारपछि आर्मी १० खेलबाट १८ अंक जोडेर चौथो स्थानमा यथावत रहँदा एपिएफले १७ अंक बनाएको छ ।
