लगातर दशौं जितसँगै मनाङ ५ अंकले अगाडी

काठमाडौं (हाम्रो खेलकुद) – मनाङ मर्स्याङदी क्लबले पल्सर सहिद स्मारक ए डिभिजन फुटबल लिगमा लगातार दशौं जित दर्ता गरेको छ । आइतबारको दोस्रो खेलमा मनाङले नेपाल पुलिस क्लबलाई १-० ले पराजित गरेको हो ।

निकै प्रतिस्पर्धात्मक खेलको दोस्रो हाफमा मनाङका लागि आडिलेजे सोमिडेले गरेको गोल नै निर्णायक सावित भयो । सोमिडेले ५२ औं मिनेटमा हेमन गुरुङको लामो पासलाई डिफेन्ड र गोलरक्षकको बीचबाट पहिलो टचमा नै गोलमा परिणत गरेका थिए । पुलिसले खेलमा पछाडी परेपछि बरब्रो गर्ने केहि अवसर पाएपनि त्यसलाई सदुपयोग गर्न भने सकेन ।

यस जितसँगै मनाङले शीर्ष स्थानमा ५ अंकको स्पष्ट अग्रता कायम गरेको छ । मनाङको १० खेलमा शत प्रतिशत जित नतिजासहित ३० अंक छ । दोस्रो स्थानको संकटाले १० खेलमा ८ जित, १ बराबर र १ हारसँगै २५ अंक जोडेको छ । रुस्लान थ्री स्टार १० खेलमा ७ जित, २ बराबरी र १ हारसहित २३ अंक जोडेर तेस्रो स्थानमा छ ।

अंक तालिका: