काठमाडौं (हाम्रो खेलकुद) – पल्सर सहिद स्मारक ए डिभिजन लिगअन्तर्गत आइतबार दशौं चरणका खेल समापन भए । दशौँ चरणका खेलमा केहि यस्ता नतिजा भए जुन धेरैलाई चकित तुल्याउने किसिमका थिए । समग्रमा दशौं चरणका नतिजाले साविक विजेता मनाङलाई भने उपाधि लक्ष्यमा निकै सघाउ पुगेको छ ।
दशौं चरणको पहिलो खेलमा मछिन्द्र क्लबले सरस्वती क्लबलाई ४-२ को अन्तरले पराजित गर्दै लिगमा पहिलो जित दर्ता गर्यो । फ्रेन्ड्स क्लबले पनि शीर्ष ६ मा अडिने लक्ष्य बनाएको हिमालयन शेर्पा क्लबलाई निराश पार्यो । त्यसै दिन न्यू रोड टिम (एनआरटी) ले जावलाखेल युवा क्लबलाई २-१ ले पराजित गर्दै लिगको पहिलो जित दर्ता गर्यो । पुछारका टोलीले लगातार जित दर्ता गर्दा दशौं चरणले अंक तालिकामा उथलपुथल ल्याउने संकेत देखियो ।
दोस्रो दिन शनिबार भएका दुवै खेल बराबरीमा सकिए । उपाधि दौडमा मनाङलाई दवाव दिइरहेका रुस्लान थ्री स्टार क्लब र सीएमजी क्लब संकटा बराबरीमा रोकिँदा मनाङलाई फाइदा पुग्यो । थ्री स्टार छिमेकी टोली भ्याली च्यासल युवा क्लबसँग गोलरहित बराबरीमा रोकियो । ब्रिगेड ब्वाइजले संकटालाई १-१ को बराबरीमा रोक्दै मनाङलाई ठुलो सहयोग पुर्यायो ।
अन्तिम दिन मनाङलाई उपाधि लक्ष्यमा थप सघाउ पुग्यो । नेपाल एपीएफ क्लबले त्रिभुवन आर्मी क्लबलाई २-१ ले हरायो । लगत्तै मनाङले अर्को विभागीय टोली नेपाल पुलिस क्लबलाई १-० ले पराजित गर्दै शीर्ष स्थानमा ५ अंकको अग्रता बनायो । मनाङले आफ्नो खेलमा जितसहित ३ अंक त हात पार्यो नै । उपाधि होडमा रहेका अन्य टोलीले पनि अंक गुमाउँदा मनाङलाई ‘दुवै हातमा लड्डु’ को अवस्था भयो ।
लिगको ३ खेल बाँकी रहेको अवस्थामा मनाङले ५ अंकको अग्रता लिएको छ । अब मनाङले अर्को खेलमा संकटाको सामना गर्दैछ । उक्त खेलमा जित दर्ता गरे मनाङले लिग उपाधि जित्नेछ । पराजित भएको खण्डमा भने टोलीले बाँकी दुई खेलको नतिजालाई पनि गम्भीर रुपमा लिनुपर्ने छ ।
यो पनि पढ्नुहोस : ‘सबै खेल जितेर इतिहास रच्न चाहन्छौं’ – मनाङका प्रशिक्षक श्रेष्ठ
अंक तालिका:
