default_image

5 years ago

December 27, 2018

एपीएफ र च्यासलको बराबरी

काठमाडौं (हाम्रो खेलकुद) – पल्सर सहिद स्मारक ए डिभिजन लिग अन्तर्गत बिहीबार भ्याली च्यासल युवा क्लब र नेपाल एपीएफ क्लबको खेल १-१ को बराबरीमा टुंगिएको छ । खेलको पहिलो हाफको सातौं मिनेटमा च्यासलका अमिर श्रेष्ठले पेनाल्टी क्षेत्रको दायाँ भागबाट गरेको प्रहारले पोस्टको दिशा लिन सकेन । २५ अौं मिनेटमा अाशीष लामाको शक्तिशाली प्रहार क्रसबारमा लाग्दै […]

55 views

0 Bookmark

काठमाडौं (हाम्रो खेलकुद) – पल्सर सहिद स्मारक ए डिभिजन लिग अन्तर्गत बिहीबार भ्याली च्यासल युवा क्लब र नेपाल एपीएफ क्लबको खेल १-१ को बराबरीमा टुंगिएको छ ।

खेलको पहिलो हाफको सातौं मिनेटमा च्यासलका अमिर श्रेष्ठले पेनाल्टी क्षेत्रको दायाँ भागबाट गरेको प्रहारले पोस्टको दिशा लिन सकेन । २५ अौं मिनेटमा अाशीष लामाको शक्तिशाली प्रहार क्रसबारमा लाग्दै बाहिरिँदा एपीएफ अग्रता लिनबाट चुक्यो ।

३१ अौं मिनेटमा च्यासलले खेलमा सुरुवाती अग्रता बनायो । सन्तबहादुर गुरुङले पेनाल्टी क्षेत्रभित्रबाट सहजै गोल गरे । विश्व अधिकारीको प्रहार एपीएका सन्तोष कुमार कटुवालले रोकेपनि गोलरक्षक राजु योगी पोजिसनमा नभएको अवस्थामा सन्तबहादुरले गोल गरे ।

खेलको ४२ अौं मिनेटमा एपीएफले पेनाल्टी पाएपनि बराबरी गोल फर्काउन भने सकेन । सुदिप सिख्राकारको प्रहारलाई गोलरक्षक दिनेश थापामगरले अाफ्नो बायाँतर्फ डाइभ दिँदै उत्कृष्ट बचाउ गरे ‌। च्यासल कप्तान देवेन्द्र तामाङले आशिष लामालाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए ।

दोस्रो हाफको सुरुवातमै एपीएफले बराबरी गोल फर्कायो । ५४ औं मिनेटमा एपीएफका श्याम नेपालीले पेनाल्टी क्षेत्रबाहिरबाट गरेको शक्तिशाली प्रहारलाई च्यासलका गोलरक्षक दिनेश थापामगरले बचाउन सकेनन् । ७७ औं मिनेटमा च्यासल १० खेलाडीमा समेटियो । गौरव बुढाथोकीले दोहोरो पहेंलो कार्ड पाएपछि मैदान छाड्न बाध्य भए ।

८७ औं मिनेटमा एपीएफका प्रदिप लामाले ६ यार्ड बक्सभित्रबाट गरेको प्रहार पोस्टबाहिर गयो । ८९ औं मिनेटमा सन्तबहादुर गुरुङले च्यासललाई खेल जिताउने सुवर्ण अवसर खेर फाले । छिरिङ गुरुङको पासमा सन्तबहादुरले पेनाल्टी क्षेत्रभित्र अनमार्क रहेको अवस्थामा बललाई सहजै नियन्त्रणमा लिएपनि प्रहारलाई पोस्टको दिशा दिन सकेनन् । इन्ज्युरी समयको पहिलो मिनेटमा एपीएफका राजन गुरुङले पेनाल्टी क्षेत्रबाहिरबाट गरेको प्रहार क्रसबारमा लाग्दै फर्किएको थियो ।

यस बराबरीसँगै अंक तालिकामा दुवै टोली यथास्थानमा रहेका छन् । छैटौं स्थानको एपीएफले ११ खेलमा ५ जित र २ बराबरीसँगै १७ अंक जोडेको छ । आठौं स्थानको च्यासलले ११ खेलमा ४ जित र ३ बराबरीसँगै १५ अंक बनाएको छ ।

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

March 27, 2024

बेलिङहमको गोलमा इंग्ल्यान्ड हारबाट जोगियो

एजेन्सी – स्पेनिस क्लब रियल म्याड्रिडका मिडफिल्डर जुड बेलिङहमले अन्तिम समयमा गोल गरेपछि अन्तर्राष्ट्रिय मैत्रीपूर्ण खेलमा इंग्ल्यान्ड हारबाट जोगिएको छ । घरेलु मैदानमा इंग्ल्यान्डले बेल्जियमसँग २–२ गोलको बराबरी खेलेको हो । एक गोल इभान टोनीले गरे । बेल्जियमका लागि दुवै गोल युरी टिलेमान्सले गरेपनि जितको लागि पर्याप्त भएन । वेम्वली स्टेडियम लन्डनमा मंगलबार राति भएको […]

Success

Thank you for your time.