काठमाडौं (हाम्रो खेलकुद) – विभागीय टोली नेपाल एपीएफ क्लबले पल्सर सहिद स्मारक ए डिभिजन लिगको अन्तिम खेलमा उपविजेता सीएमजी क्लब संकटालाई २-१ ले पराजित गरेको छ ।
खेलको सातौं मिनेटमा एपिएफका प्रदिप लामाकाे बक्सबाहिरकाे प्रहार संकटामा गाेलरक्षक राजाबाबु थापाले बचाए । नवाैं मिनेटमा संकटाका एलाेन म्याक्सवेलकाे प्रहार गाेलरक्षक राजु याेगीले बचाए । २३अाैं मिनेटमा अाशिष लामाकाे पासमा युवराज खड्काकाे गाेल गरे । युवराजले मैदानकाे मध्यभागबाट एक्लै बल अघि बढाउँदै गरेको प्रहारमा गाेलरक्षक बिट भएका थिए ।
दोस्रो हाफको ५८अाैं मिनेटमा राेमन लिम्बुकाे क्रसमा सेडरिक अबाकाे सिक्स यार्ड बक्सभित्रकाे प्रहार अाकासियाे । ६०अाैं मिनेटमा अाशिष लामाकाे प्रहार गाेलरक्षक राजुले बचाए । ६८अाैं मिनेटमा एलोन म्याक्सवेलकाे प्रहारले पोस्टको दिशा लिन नसक्दा संकटा खेलमा फर्कन सकेन ।
खेलको ७१अाैं मिनेटमा सुदिप शिख्राकारकाे फ्रिकिकमा राजन गुरुङले हेडर गाेल गर्दै संकटाको अग्रता दोब्बर पारे । ८४अाैं मिनेटमा अबाकाे प्रहारलाई सुदिप शिख्राकारले गाेललाइनबाट बचाए । लगत्तै साैजन राईकाे प्रहार विश्वास उदासले गाेललाइनबाटै हेड गर्दै बचाए ।
इन्ज्युरी समयकाे थप गरिएकाे चाैथाे मिनेटमा संकटाका लक्ष्मण रुचालले फ्रिकिकमा सुन्दर गाेल गर्दै अग्रता घटाए । बक्स बाहिर पाएकाे फ्रिकिकमा रुचालले दर्शनीय गोल गरे ।
यस जितसँगै एपीएफले १३ खेलमा २३ अंक जोड्दै पाँचौ स्थानमा रहेर लिग अन्त्य गर्यो । संकटाले भने १३ खेलमा २८ अंक जोड्न सफल रहयो ।
