धनगढी (हाम्रो खेलकुद) – सुदुरपश्चिमको धनगढीमा मंगलबारदेखि सुरु हुने नेपाल आइस तेस्रो अन्तर्राष्ट्रिय सुदूरपश्चिम खप्तड गोल्डकपको उद्घाटन खेलमा आयोजक सुदूरपश्चिम-११ स्पोर्ट्स क्लब र काक्करभीट्टा फुटबल ट्रेनिङ सेन्टर भिड्दैछन् । खेल दिनको २:३० बजे धनगढी रंगशालामा सुरु हुनेछ ।
दुवै टोली मोफसलमा नाम चलेका टोली हुन् । ए डिभिजन लिगका खेलाडी सम्मिलित रहने दुवै टोलीले स्थानीय खेलाडीलाई पनि समेटेका छन् । विदेशी खेलाडी पनि दुवै टोलीबाट खेल्ने प्रबल सम्भावना रहेको छ । सुदूरपश्चिमले जावलाखेलबाट ए डिभिजन लिग खेलेका लावल ओलाकानलाई खेलाउने तयारी गरेको छ ।
यता काक्करभीट्टाले भने मछिन्द्रका विशाल राई ‘ए’ लाई टोलीमा समेटेको छ । यसबाहेक हिमालयन शेर्पा क्लबबाट ए डिभिजन खेलेका गोलरक्षक किशोर गिरि पनि क्लबबाट खेल्ने सम्भावना रहेको छ ।
प्रतियोगिताको खेल तालिका :
