काठमाडौं (हाम्रो खेलकुद) – सिग्नेचर मनाङ मस्र्याङ्दी क्लबले यस पटक पल्सर सहिद स्मारक ‘ए’ डिभिजन लिग च्याम्पियन बन्ने पहिलो लक्ष्य पुरा गरिसकेको छ ।
लिगको अन्तिम दिनमा आइपुग्दा अब टोलीको अर्को लक्ष्य भनेको अपराजित रहनु हुनेछ । सातदोबाटोस्थित एन्फा कम्प्लेक्समा आज हुने लिगको अन्तिम खेलमा फ्रेन्ड्स क्लबलाई बराबरीमा रोके मनाङले अपराजित रहँदै लिग च्याम्पियन बन्ने नेपाल पुलिस क्लबको यसअघिको कीर्तिमानीसँग बराबरी गर्नेछ ।
यदि फ्रेन्ड्सलाई हराउन सकेमा भने मनाङले अर्को इतिहास रच्ने छ , लिगका सबै खेल जितेर उपाधि उचाल्ने । यसका सबै १२ खेल मनाङले जितिसकेको छ । लिगको ६ दशक भन्दा लामो इतिहासमा मनाङ सर्वाधिक सफल टोली हो ।
टोलीको यो आठौं लिग उपाधि हो । आरसिटीले ६ पटक लिग जित्दा रुस्लान थ्री स्टार क्लब एनआरटीले समान ४ पटक उपाधि जितेका छन् ।
