म्याड्रिड (एजेन्सी)– सुपर स्टार क्रिस्टियानो रोनाल्डो विक्री गरेकोमा विलियम कार्भाल्होले रियल म्याड्रिडको आलोचना गरेका छन् । २ सय मिलियन युरोमा पनि आफुले भए पोर्चुगिज सुपर स्टारलाई नबेच्ने उनले बताएका छन् ।

रियल भने कीर्तिमानी खेलाडीलाई विक्री गरेयता यो सिजन गोल र एकरुपताको प्रदर्शनका लागि संघर्षरत रहेको छ । रोनाल्डो सिजनको सुरुवातमा रियलबाट युभेन्ट्स पुगेका थिए । यता रोनाल्डोले भने नयाँ क्लबमा पनि आफुलाई स्थापित बनाउने क्रममा रहेका छन् । इटालियन सिरि एमा खेलेका १९ खेलमा रोनाल्डोले १४ गोल गर्नुका साथै ५ गोलमा एसिस्ट गरेका छन् ।

समकालिन खेलाडीमध्ये विश्वकै उत्कृष्ट खेलाडीलाई कुनै पनि मुल्यमा बेन्च नहुने रियल बेटिसका काभार्लोले बताएका छन् । ५ पटकका बालोन डी ओर विजेता रोनाल्डोलाई रियलले मिस गरिरहेको अनुमान गरिएको छ ।

‘रोनाल्डोलाई विश्वका कुनै पनि टोलीले लिन चाहन्छ । तर रियलले भने उनलाई अलिक कमजोर आक्यो ,’ उनले भने, ‘उनी नयाँ क्लबमा पनि राम्रो गरिरहेका छन् । युभेन्ट्समा उनले अझै गोल गर्नेछन् । तर उनले किन क्लब छाडे मलाई थाहा छैन । उनी जति सक्दो राम्रो गर्न प्रयासरत छन् ।’

युभेन्ट्स सिरि ‘ए’को शीर्षस्थानमा रहेको छ । दोस्रो स्थानको नेपोली भन्दा युभेन्ट्सको ९ अंक बढी छ ।