भारत एसिया कपको समूह चरणबाटै बाहिरियो

एजेन्सी – भारत एसिया कप फुटबलको समूह चरणबाटै बाहिरिएको छ । समूह चरणको अन्तिम खेलमा बहराइनसँग १–० ले पराजित भएसँगै भारत समूह चरणबाटै बाहिरिएको हो ।

भारतको समूह चरणको पहिलो खेलमा थाइल्यान्डलाई ४–१ को फराकिलो गोल अन्तरले पराजित गर्दै राम्रो सुरुवात गरेपनि त्यसपछिको दुवै खेलमा पराजित हुन पुग्यो । भारत समूह चरणको दोस्रो खेलमा युएई)सँग २–० ले पराजित भएको थियो ।

युएईस्थित सरजाह स्टेडियममा सोमबार राति भएको प्रतिस्पर्धात्मक खेलको इन्ज्युरी समयको थप गरिएको पहिलो मिनेटमा भरातले पेनाल्टी बेहोर्न पुगेको थियो । भारतका प्रोनी हाल्डेरले बहराइनका हामेद अल्सामसानलाई पेनाल्टी बक्समा लडाएपछि पेनाल्टीको मौका पाएको थियो । जसलाई जमल रसिदले सदुपोयग गर्दै बहराइनलाई १–० को जित दिलाए । बहराइनलाई बराबरीमा रोकेको भए भारत थाइल्याण्डलाई गोलअन्तरमा पछि पार्दै नकआउट चरणमा पुग्ने थियो । यो जितले बहराइनले अर्काे चरण पुग्ने सम्भावना जीवितै राखेको छ ।

यही समूहको अर्को खेलमा थाइल्याण्ड र युएईले १–१ गोलको बराबरीमा अंक बाँडे । युएई पाँच अंक बटुल्दै समूहको विजेता बन्दै अर्काे चरणमा प्रवेश गर्दा थाइल्याण्ड समूह उपविजेताको रुपमा अघि बढ्यो । थाइल्यान्ड र बहराइनको समान ४–४ अंक भएपनि गोल अन्तरमा बहराइन पछि पर्यो । भारत ३ अंक जोड्दै अंक तालिकाको पुछारमा रहयो ।

भारत एसिया कपको समूह चरणबाटै बाहिरियो

Latest News

Popular News

फुटबल

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

च्याम्पियन्स लिगमा बार्सिलोनाको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल