दिपक बोहोरा, पाँचथर

पहाडी जिल्ला पाँचथर फुटबल क्रेज भएको जिल्ला हो । यहाँ गतवर्ष मात्र ३ ठुला प्रतियोगिताहरु आयोजना भएको थियो । सोमबारै मात्र फालुनन्द गोल्डकपको दशौं संस्करण पनि सकिएको छ । त्रिभुवन आर्माीलाई हराउँदै झापा ११ ले मोफसलमा सिजनको पहिलो उपाधि जीत्न सफल भयो ।

राष्ट्रिय विभूति तथा महागुरुको नाममा स्थापित फाल्गुनन्द गोल्डकपमा १६ लाख बराबरको टिकट विक्री भएको आयोजकले जानकरी दिएका छन् । पुस २१ गते बाट ३० गते सम्म सञ्चालन भएको प्रतियोगितामा १६ लाख बराबरको रकम टिकटबाट उठेको हो ।

दशौं संस्करणमा उद्धघाटन खेलले धमाकेदार सुरुवात गरेको थियो । आयोजकले अपेक्षा गरेभन्दा बढी दर्शक उद्घाटन खेलमा आएका थिए । झापा ११ र ताप्लेजुङबीचको खेलमा अहिलेसम्मकै सर्वाधिक दर्शक आएर हौसला मिलेको फिदिम स्पोर्टिङ क्लबका अध्यक्ष विमल श्रेष्ठले बताए । उद्घाटन खेलमा एक सय दरका टिकट राखिएको थियो । जसमा टिकट विक्रीबाट मात्र एक लाख ५२ हजार २ सय संकलन भएका क्लबका महासचिव पासाङ तामाङले जानकारी दिए ।

महासचिव तामाङका अनुसार दोस्रो खेलमा आयोजकसँग मोरङ ११ को खेल थियो । तर, अपेक्षित टिकट बिक्री भने भएन । विदेशी खेलाडीलाई आयोजकले खेलाएको भन्दै आलोचना भइरहेको बेला टिकट विक्री भने ९० हजार ४ सयमात्र भएको थियो । तेस्रो खेलमा आयोजकले टिकट दर १ सय ५० रुपैयाँ कायम गर्यो । झापा ११ र एपीएफबीच भएको खेलमा फेरि एक लाख १४ हजार ७ सय टिकटबाट संकलन भयो ।

आयोजक फिदिम स्पोर्टिङले आर्मीसँग प्रतिस्पर्धा गर्दा फेरि टिकट बिक्रीमा मन्दी आयो । दर्शकले विदेशी खेलाडीलाई स्थान दिएको भन्दै आयोजकलाई फेरी एकपटक साथ दिएनन् । यस खेलबाट ८३ हजारमात्र टिकट विक्रीबाट संकलन भएको थियो ।

सुनसरी र सरस्वती युथ क्लबबीच भएको पाँचौ खेलमा एक लाख २ हजार ५ सय, छैटौ खेलमा रोयल एफसी दार्जी्लिङ र ब्वाइज युनियन काठमाडौँले खेलेका थिए । उक्त खेलको टिकट बिक्रीबाट ९७ हजार २ सय रुपैयाँमात्र संकलन भएको आयोजकले जनायो ।

दुई सेमिफाइनल खेलमा भने आयोजकले टिकट दर बढाएर दुई सय कायम गर्यो । पहिलो सेमिफाइनल खेल झापा ११ ले सरस्वती युथसँग खेलेका थियो । यो खेलमा अहिलेकै सर्वा्धिक एक लाख ८६ हजार ६ सय रुपैयाँको टिकट विक्री भएको आयोजकका महासचिव तामाङले बताए । त्यस्तै अन्तिम सेमिफाइनल खेलमा आर्मी र रोयल एफसीले भिडेका थिए । जसमा एक लाख ७५ हजार ७ सय टिकटबाटद संकलन भएको थियो ।

आठ खेल सम्पन्न हुँदा आयोजकले जम्मा १० लाख २ हजार ३ सय रुपैयाँको टिकट बिक्री गर्यो ।
फाइनल खेल झापा ११ र आर्मीबीच खेलमा आयोजकले टिकट डर २ सय ५० रुपैयाँ राखेको थियो  । त्यस खेलबाट आयोजकले ६ लाख ४५ हजारको टिकट विक्री गरेको आयोजकले जानकारी दिएको हो ।