default_image

5 years ago

January 15, 2019

रोमाञ्चक जितसँगै अष्ट्रेलिया एसियन कपको प्रि–क्वाटरफाइनलमा

एजेन्सी – सिरियामाथि रोमाञ्चक जित निकाल्दै अष्ट्रेलिया एसियन कपको प्रि–क्वाटरफाइनलमा प्रवेश गर्न सफल भएको छ । एसियन कप अन्तरगत समूह ‘बी’ को अन्तिम खेलमा सिरियालाई ३–२ ले पराजित गर्दै अष्ट्रेलिया समूह उपविजेताको रुपमा अन्तिम १६ मा पुग्न सफल भएको हो । यो समूहबाट जोर्डन समूह विजेताको रुपमा प्रि–क्वाटरफाइनलमा पुग्न सफल भयो । जोर्डनले ३ खेलबाट […]

31 views

0 Bookmark

एजेन्सी – सिरियामाथि रोमाञ्चक जित निकाल्दै अष्ट्रेलिया एसियन कपको प्रि–क्वाटरफाइनलमा प्रवेश गर्न सफल भएको छ । एसियन कप अन्तरगत समूह ‘बी’ को अन्तिम खेलमा सिरियालाई ३–२ ले पराजित गर्दै अष्ट्रेलिया समूह उपविजेताको रुपमा अन्तिम १६ मा पुग्न सफल भएको हो ।

यो समूहबाट जोर्डन समूह विजेताको रुपमा प्रि–क्वाटरफाइनलमा पुग्न सफल भयो । जोर्डनले ३ खेलबाट २ जित र १ बराबरीसहित ७ अंक जोड्यो । अष्ट्रेलिया ६ अंक जोडेर दोस्रो स्थानमा रह्यो । प्यालेस्टाइन २ तथा सिरिया १ अंक जोडेर तेस्रो र चौथो स्थानमा रह्यो ।

युनाइटेड अरब इमिरेट्स (युएईं) स्थित खालिफा पिन जायद स्टेडियममा मंगलबार भएको खेलमा अष्ट्रेलियालाई जिताउन एवेर मविल, क्रिस्टोफोर इकोनोमिडिस र टोम रोजिकले गोल गरे । सिरियाका लागि ओमार ख्रिविन र ओमर अल सोमाहले गोल गरे ।

निकै नै रोमाञ्चक र प्रतिस्पर्धात्मक बनेको खेलमा अष्ट्रेलियाले खेलको ४१औं मिनेटमा एवेर मविलको गोलबाट खेलमा सुरुवाती अग्रता बनाएको थियो । तर, त्यसको दुई मिनेटपछि नै सिरियाका ओमार ख्रिविनले बराबरी गोल फर्काए ।

५४औं मिनेटमा क्रिस्टोफोरले गोल गर्दै अष्ट्रेलियालाई २–१ को अग्रता दिलाए । उनले टोम रोजिकको पासलाई गेलमा परिणत गरेका थिए । ८०औं मिनेटमा सिरियाले पेनाल्टीमार्फत गोल गरेपछि खेल २–२ गोलको बराबरीमा पुगेको थियो ।

अष्ट्रेलियाका मिलोस डिजिनिकले सिरियाका ओमर अल सोमाहलाई बक्सभित्र लडाएपछि रेफ्रीले सिरियालाई पेनाल्टीको मौका दिएको थियो । जसलाई ओमर सोमाहले गोल गरे । बराबरीतर्फ धकेलिएको खेलको इन्ज्युरी समयको थप गरिएको तेस्रो मिनेटमा टोम रोजिकले गोल गर्दै अष्ट्रेलियालाई ३–२ को रोमाञ्चक जित दिलाए । यही समूहको अर्काे खेलमा जोर्डन र प्यालेस्टाइनले गोलरहित बराबरी खेल्दै अंक बाँडे ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.