दक्षिण कोरिया समूह विजेता, चीन पनि प्रि–क्वाटरफाइनलमा

एजेन्सी – दक्षिण कोरिया र चीन समूह ‘सी’ बाट एसियन कप फुटबलको प्रि–क्वाटरफाइनलमा पुग्न सफल भएको छ । कोरिया समूह विजेता तथा चीन समूह उपविजेताको रुपमा अन्तिम १६ मा पुग्न सफल भएको हो ।

युएईंस्थित अल नायन स्टेडियममा बुधबार भएको खेलमा दक्षिण कोरियाले चीनलाई २–० ले पराजित गर्दै समुहमा अपराजित रहन सफल भयो । दक्षिण कोरियासँग पराजित भएपनि चीन अर्काे चरणमा प्रवेश गर्न सफल भयो ।

कोरियाको जितमा युई जो ह्वाङ र मिन जाइ किमले गोल गरे । खेलको १४औं मिनेटमा दक्षिण कोरियाले युई जो ह्वाङको गोलबाट अग्रता लिएको थियो । ह्युङ मिन सनलाई बक्समा लडाएपछि दक्षिण कोरियाले पेनाल्टीको मौका पाएको थियो । जसलाई युई जो ह्वाङले सदुपयोग गरे । ५१औं मिनेटमा मिन जाइ किमले ह्युङ मिन सनबाट कर्नरमा आएको बललाई हेडरमार्फत गोल गर्दै टोलीको जित पक्का गरे ।

जितपछि कोरियाले ३ खेलबाट ९ अंक जोड्यो । कोरियासँग पराजित चीनले समूह ६ अंक जोड्यो । यही समूहको अर्काे खेलमा किर्गिस्तानले फिलिपिन्सलाई ३–१ ले पराजित ग¥यो । जितसँगै किर्गिस्तानले समुहमा ३ अंक जोड्दा फिलिपिन्स अंकविहीन बन्यो ।

दक्षिण कोरिया समूह विजेता, चीन पनि प्रि–क्वाटरफाइनलमा

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल