पोखरा (हाम्रो खेलकुद)– नेपाल एपिएफ क्लब मनकामना केबुलकार पोखरा कप फुटबल प्रतियोगिताको फाइनलमा पुगेको छ ।
जापानको रिस्सो विश्वविद्यालयलाई शुक्रबार पेनाल्टी सुटआउटमा ४–१ हराउँदै एपिएफ अन्तिम दुईमा पुगेको हो । वर्षाका कारण यी दुई टोलीबीचको खेल बिहीबार स्थगित भएको थियो ।
पोखरा रंगशालामा निर्धारित ९० मिनेट र थप समयमा पनि गोलरहित बराबरीपछि खेल टाइब्रेकरमा धकेलिएको थियो । जसमा एपिएफ भाग्यशाली रह्यो ।
एपिएफका ए्पिएफका तर्फबाट सुदिप सिख्राकार, आशिष लामा, राजिब लोप्चाङ, राजु नगरकोटीले गोल गरे । रिस्सोका लागि ताकुया हितोमीले मात्र गोल गरे ।
नात्सुकी ताकेदाको प्रहार गोलकिपर राजु योगीले रोके । ताउतो योसिनोको प्रहार पोस्को टाढाबाट बाहिरियो । एपिएफले सिग्नेचर मनाङ मस्र्याङ्दी क्लब र दाउफिन्स क्लब मध्ये एकसँग फाइनल खेल्नेछ । कास्की जिल्ला फुटबल संघले आयोजना गरेको प्रतियोगिताको दोस्रो सेमिफाइनल शनिबार हुनेछ ।
