7 years ago
February 11, 2019
काठमाडौं (हाम्रो खेलकुद) – नेपाली राष्ट्रिय महिला फुटबल टोलीले भारतको भुवनेश्वरमा जारी हिरो गोल्ड कपअन्तर्गत दोस्रो खेलमा आयोजक भारतको सामना गर्दैछ ।

खेल नेपाली समयानुसार साँझ ७:१५ बजे सुरु हुनेछ । खेलको प्रत्यक्ष प्रसारण एन्फाको आधिकारिक स्ट्रिम पार्टनर माइकुजुअन्तर्गत एन्फा टिभीले गर्ने भएको छ । खेलको उक्त प्रत्यक्ष प्रसारण हाम्रो खेलकुद डट कममार्फत पनि हेर्न सकिनेछ ।
पहिलो खेलमा म्यानमारसँग ३-० ले पराजित भएको नेपाल प्रतियोगिताको फाइनल पुग्ने आशा जीवित राख्न जित दर्ता गर्नुपर्ने दबाबमा हुनेछ । यद्यपी नेपालले अहिलेसम्म भारतलाई पराजित गरेको इतिहास छैन । भारतविरुद्ध पछिल्लो भेटमा नेपालले बराबरी खेलेको थियो । नोभेम्बरमा भएको ओलम्पिक छनोटमा नेपालले अग्रता लिएपनि त्यसलाई बचाउन नसक्दा १-१ को बराबरीमा रोकिएको थियो ।

भारतले पहिलो खेलमा इरानलाई १-० ले पराजित गर्दै प्रतियोगितामा विजयी सुरुवात गरेको थियो । यस खेलमा जित दर्ता गरे भारत फाइनलमा पुग्ने सम्भावना लगभग पक्का हुनेछ । साफ च्याम्पियनसिपका तयारीका रुपमा रहेको यस प्रतियोगिता भारत र नेपाल दुवै टोलीलाई फाइदाजनक हुनेछ ।
अंकविहिन रहेको नेपाल अंक तालिकाको पुछारमा रहेको छ । भारत ३ अंकसहित दोस्रो स्थानमा छ । गोलअन्तरको आधारमा ३ अंक नै जोडेको म्यानमार शीर्षस्थानमा रहेको छ । इरान तेस्रो स्थानमा छ ।
December 20, 2025
काठमाडौं (हाम्रो खेलकुद)- दक्षिण एसियाली फुटबल महासंघ (साफ) ले नयाँ प्रतियोगिताका रुपमा साफ महिला क्लब च्याम्पियनसिप यसै वर्ष सुरु गरेको हो। पहिलो संस्करणमा साफका ५ सदस्य राष्ट्रको लिग च्याम्पियनको सहभागिता रहेको थियो। त्रिपुरेश्वरस्थित स्थित दशरथ रंगशालामा जारी सोही च्याम्पियनसिपको आज फाइनल हुँदैछ। जसमा नेपालको च्याम्पियन एपिएफ एफसी र भारतको इस्ट बंगाल एफसी उपाधिका लागि भिड्दै […]
December 20, 2025
काठमाडौं (हाम्रो खेलकुद)- नेपाली राष्ट्रिय महिला टोलीकी कप्तान सावित्रा भण्डारी साम्बाको २ गरेपछि वेलिंगटन फिनिक्सले अष्ट्रेलियाको महिला ए लिगमा सिड्नी एफसीलाई ७-० ले हराएको छ। १-० ले अघि रहेको वेलिंगटनका लागि साम्बाले खेलको १३औँ मिनेटमा आफ्नो पहिलो गोल गरिन्। अष्ट्रेलियन लिगमस साम्बाको त्यो पहिलो गोल हो। ३५औँ मिनेटमा ग्रेस जेलीको गोलमा वेलिंगटनले पहिलो हाफमा ३-० को […]
December 20, 2025
एजेन्सी – बोरुसिया डर्टमुन्डले बोरुसिया मोनचेनग्लाडबाचलाई २-० ले हराएको छ। जितसँगै डोर्टमुन्ड बुन्डेसलिगा तालिकाको दोस्रो स्थानमा उक्लिएको छ। खेलको १०औँ मिनेटमै डर्टमुन्डले अग्रता लिएको थियो। निक्लास जुलको क्रसमा जुलियन ब्रान्ड्टले सजिलै गोल गरे। पहिलो हाफमा मोनचेनग्लाडबाच कमजोर देखियो। उसले केही प्रहार गरे पनि गोल गर्न सकेन। डर्टमुन्डले दोस्रो गोलका अवसर पनि बनायो तर गोल हुन […]