काठमाडौं (हाम्रो खेलकुद) – हिरो गोल्डकपअन्तर्गत समूह चरणको अन्तिम खेलमा नेपालले इरानविरुद्ध खेलमा सुरुवाती अग्रता लिएको छ । पहिलो हाफमा अनिता बस्नेतले गोल गरेपछि नेपाल १-० ले अगाडी बढेको छ ।
नेपालका लागि अनिता बस्नेतले ४१ औं मिनेटमा गोल गरेकी हुन् । गीता रानाको लामो फ्रिकिकमा रिबाउन्ड आएको बललाई दिपा राईले फ्लिक गर्ने प्रयास गरेकी थिइन् । उक्त बल फुस्केपछि अनिता बस्नेतले पेनाल्टी क्षेत्रबाहिर टर्नमा भली प्रहार गर्दै उत्कृष्ट गोल गरेकी हुन् ।
नेपालले यस खेलमा जित हासिल गर्दै अर्को खेलमा म्यानमारले भारतविरुद्ध जित वा बराबरी खेलेमा नेपाल र म्यानमारले प्रतियोगिताको फाइनल खेल्नेछन् । नेपालले बराबरी खेलेको खण्डमा भने फाइनल पुग्न अर्को खेलमा भारतले बराबरी वा हार बेहोर्नुपर्ने छ ।
