default_image

5 years ago

February 14, 2019

रियलले आयाक्सलाई हराउँदा भीएआर विवाद चुलियो

एजेन्सी – यूईएफए च्याम्पियन्स लिग अन्तर्गत राउण्ड अफ १६ को पहिलो लेगको खेलमा साविक विजेता रियल म्याड्रिडले डच क्लब आयाक्सलाई २-१ ले पराजित गरेको छ । भिडियो असिस्टेन्ट रेफ्री (भीएआर) विवादका कारण घरेलु टोली आयाक्सको अग्रता रद्द भएको खेलमा पाहुना टोलीले जित दर्ता गरेको हो । निकै प्रतिस्पर्धात्मक खेलको पहिलो हाफमा आयाक्सले पहिलो हाफमा नै […]

26 views

0 Bookmark

एजेन्सी – यूईएफए च्याम्पियन्स लिग अन्तर्गत राउण्ड अफ १६ को पहिलो लेगको खेलमा साविक विजेता रियल म्याड्रिडले डच क्लब आयाक्सलाई २-१ ले पराजित गरेको छ । भिडियो असिस्टेन्ट रेफ्री (भीएआर) विवादका कारण घरेलु टोली आयाक्सको अग्रता रद्द भएको खेलमा पाहुना टोलीले जित दर्ता गरेको हो ।

निकै प्रतिस्पर्धात्मक खेलको पहिलो हाफमा आयाक्सले पहिलो हाफमा नै गोल गरेको भन्दै खुसीयाली मनाएपनि भिडियो असिस्टेन्ट रेफ्रीको सहायतामा रेफ्रीले गोललाई मान्यता दिएका थिएनन् । पहिलो हाफमा दुवै टोलीले अवसर पाएपनि त्यसलाई सदुपयोग गर्न सकेनन् । आयक्सले तुलनात्मक रुपमा बढी अवसर सिर्जना गरेपनि रियलका डिफेन्डर बाधक बनिरहे ।

दोस्रो हाफमा रियलले करीम बेन्जेमाको गोलमा अग्रता लियो । ६० औं मिनेटमा भिनिसियस जुनियरले उत्कृष्ट मुभ बनाउँदै पेनाल्टी क्षेत्रभित्र दिएको पासमा बेन्जेमाले उत्कृष्ट फिनिस गर्दै रियललाई अग्रता दिलाएका थिए । त्यसको १५ मिनेटमा नै हाकिम जिएकले खेल बराबरीमा ल्याए । डेविड नेरेसको पासलाई उनले १० यार्डबाट सहजै गोलमा परिणत गरेका थिए ।

रियलले खेलको तीन मिनेट समय बाँकी रहँदा पुन: अग्रता लियो । ड्यानी कार्भाजलको क्रसमा मार्को एसेन्सियोले ६ यार्ड बक्सभित्रबाट गोल गर्दै रियललाई खेलमा अगाडी बढाए । तर उक्त गोलको मुभमा रियलका खेलाडी लुकास भाज्केजले आयाक्सका खेलाडीलाई फल गरेको भन्दै गोलमा केहीबेर विवाद भएको थियो । भीएआरमा रेफ्रीले कुनै असर नपरेको भन्दै फल लिएका थिएनन्।

आयक्सका लागि वैकल्पिक खेलाडी कास्पर डोलबर्गले इन्ज्युरी समयमा खेल बराबरी गरें सुनौलो अवसर खेर फाले । उनले गरेक फितलो प्रहारलाई रियलका गोलरक्षक थिबाउट कोर्टुवाले लडेको अवस्थामा हातले सहजै रोकेका थिए ।

दोस्रो लेगको खेल मार्च ५ मा रियलको घरेलु मैदान सान्टियागो बर्नाबाउमा हुनेछ ।

खेलको हाइलाइट्स :

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.