काठमाडौं (हाम्रो खेलकुद) – नेपाली राष्ट्रिय महिला फुटबल टोलीले म्यानमारविरुद्ध हिरो गोल्डकपको फाइनलका लागि टोलीमा परिवर्तन गरेको छैन । खेल नेपाली समयानुसार ६:१५ बजे सुरु भएको छ ।
समूह चरणको अन्तिम खेलमा इरानलाई ३-० ले पराजित गरको टोलीले नै म्यानमारविरुद्ध खेल्ने भएको छ । उक्त खेलमा नेपालका लागि सावित्रा भण्डारीले २ तथा अनिता बस्नेतले १ गोल गरेका थिए । नेपाल त्यस जितसँगै समूह उपविजेताको रुपमा फाइनल प्रवेश गरेको हो ।
नेपालको लागि फाइनलमा टोलीको कप्तानी रेनुका नगरकोटेले नै गर्ने भएकी छिन् । उनलाई मिडफिल्डमा दिपा राईले सहयोग गर्नेछिन् । गोलरक्षकमा एन्जिला तुम्बापो सुब्बा तथा डिफेन्समा मनमाया लिम्बू, गीता राना, पुनम जर्घा मगर र हिराकुमारी भुजेल रहनेछन् । विङ्समा अनिता बस्नेत र मन्जलीकुमारी योन्जनले खेल्नेछन् । फरवार्ड सावित्र भण्डारीलाई सरू लिम्बूले सहयोग गर्नेछिन् ।
