default_image

5 years ago

February 21, 2019

आयोजक साहरालाई हराउदै एपिएफ क्वाटरफाइनलमा

पोखरा(हाम्रो खेलकुद)- आयोजक सहारा क्लब पोखराको चुनौती सडनडेथमा समाप्त पार्दै विभागीय नेपाल एपीएफ क्लब पोखरामा बिहीबारबाट शुरु भएको १७औं आहा रारा गोल्डकप फुटबल प्रतियोगिताको क्वाटरफाइनलमा प्रवेश गरेको छ । पोखरा रंगशालामा बिहीबार भएको उद्घाटन खेलमा एपएिफले आयोजकमाथि सडनडेथमा ५–४ को जित निकालेको हो । निर्धारित समयको खेल १–१ गोलको बराबरी र थप गरिएको समयमा पनि […]

27 views

0 Bookmark

पोखरा(हाम्रो खेलकुद)- आयोजक सहारा क्लब पोखराको चुनौती सडनडेथमा समाप्त पार्दै विभागीय नेपाल एपीएफ क्लब पोखरामा बिहीबारबाट शुरु भएको १७औं आहा रारा गोल्डकप फुटबल प्रतियोगिताको क्वाटरफाइनलमा प्रवेश गरेको छ ।

पोखरा रंगशालामा बिहीबार भएको उद्घाटन खेलमा एपएिफले आयोजकमाथि सडनडेथमा ५–४ को जित निकालेको हो । निर्धारित समयको खेल १–१ गोलको बराबरी र थप गरिएको समयमा पनि गोल निस्कन नसकेपछि खेलको निर्णय पेनाल्टी सुटआउटबाट लिइएको हो ।

पेनाल्टी सुटआउटमा एपीएफका सुदिप शिख्राकार, सन्तोष कटवाल, बिकी लामा र अशिष लामाले गोल गरे । रोमन रसाइलीले गोल गर्न सकेनन् । सहाराका साहिद, पदम भट्टराई, अनिल गुरुङ र विष्णु गुरुङले गोल गरे । कप्तान सुशिल लामाले गोल गर्न सकेन । ५ पेनाल्टीमा ४–४ गोल भएपछि खेल सडनडेथमा पुगेको थियो ।

सडनडेथमा एपीएफका बुद्धिमान राईले गोल गर्दा साहराका अन्जन देवकोटाले गोल गर्न सकेनन् । त्यसअघि खेलको १७औं मिनेटमा घरेलु टोली साहराले विनोद गुरुङको गोलबाट अग्रता बनाएको थियो । तर घरेलु टोलीको त्यो अग्रता एक मिनेट पनि टिकेन । १८औं मिनेटमा एपीएफका आशिष लामाले बराबरी गोल फर्काएका थिए ।

प्रतियोगिताको विजेताले ८ लाख १ हजार र उपविजेताले ४ लाख १ हजार रुपैयाँ नगद पुरस्कार जित्नेछन् । हिम श्री फुड्स प्रालिको उत्पादन आहा तथा रारा तयारी चाउचाउको मुख्य प्रायोजनमा १८ फागुनसम्म सञ्चालन हुने प्रतियोगितामा नेपालको चर्चित ‘ए’ डिभिजन क्लबका साथै दुई विदेशी टोली गरी १० टोलीको सहभागिता रहेको छ ।

प्रतियोगितामा मनाङ–मस्र्याङ्दी क्लब, त्रिभुवन आर्मी क्लब, नेपाल एपीएफ क्लब, नेपाल पुलिस क्लब, धरान फुटबल क्लब, भारतको युनाइटेड सिक्किम फुटबल क्लब, थ्री स्टार क्लब, आयोजक सहारा क्लब पोखरा, क्यामरुनको डाफिन्स फेमिली टिम र हिमालयन शेर्पा क्लबको सहभागिता रहेको छ ।

प्रतियोगिताबाट १ करोड ३० लाख आम्दानी हुने र खर्च कटाई ३२ लाख २ हजार बचत गरिने क्लबको लक्ष्य रहेको आयोजकले जनाएको छ । सर्वोत्कृष्ट खेलाडीलाई स्कुटर, वेष्ट अफ फाइभ विधातर्फ जनही १५ हजार र ट्रफी दिइनेछ ।

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.