6 years ago
February 22, 2019
एजेन्सी – बाटे बोरिसोभको मैदानमा पहिलो लेगमा बेहोरेको १-० को हारको नतिजालाई उल्ट्याउँदै इंग्लिस प्रिमियर लिग आर्सनल यूएईएफए युरोपा लिगको अन्तिम १६ चरणमा प्रवेश गरेको छ । बिहीबार घरेलु मैदान इमिरेट्स रंगशालामा आर्सनलले बाटेलाई ३-० ले हराउँदै समग्रमा ३- १ को जित दर्ता गर्यो ।
खेलको चौथो मिनेटमा नै आर्सनलले अग्रता लिएको थियो । पिएर एमेरिक औबामेयाङको क्रसलाई बाटेका डिफेन्डर जाखार भोल्कोभले आफ्नै पोपोस्टतर्फ छिराए । त्यसको चार मिनेटमा नै बाटेले बराबरी गर्ने मौका पाएको थियो । स्टानीस्लाभ ड्रागुनको प्रहारलाई स्टेफान लिक्सटाइनरले गोललाइनबाट बचाएका थिए ।
३९ औं मिनेटमा आर्सनलले अग्रता दोब्बर बनायो । ग्रानीट झाकाको कर्नरमा स्कोड्रान मुस्ताफिले हेडरमार्फत गोल गरे । दोस्रो हाफको ६० औं मिनेटमा वैकल्पिक खेलाडीका रुपमा मैदान छिरेका सोक्राटिस पापास्थाथोपोउलोसले हेडर गोल गर्दै आर्सनलको जित पक्का गरे ।
आर्सनलले घरेलु मैदानमा खेलेको युरोपेली खेलमा लगातार तेस्रो क्लिन सिट राख्न सफल भयो । पहिलो लेगमा पछाडी परेको स्थितिलाई आर्सनलले १० वर्षपछि उल्टाएको हो । यसअघि सन्२०१० मा च्याम्पियन्स लिगमा पोर्टोविरुद्ध पनि दोस्रो लेगमा जित हात पारेको थियो । युरोपा लिगको अन्तिम १६ ड्र शुक्रबार हुँदैछ ।
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
