काठमाडौं (हाम्रो खेलकुद) – हिमालयन शेर्पा क्लबले २१ औं आहा रारा गोल्डकपअन्तर्गत शुक्रबार धरान फुटबल क्लबलाई १-० ले पराजित गरेको छ ।
शेर्पाको जितमा त्रिदेव गुरुङले खेलको ७६ औं मिनेटमा गरेको गोल नै निर्णायक सावित भयो । उनले कप्तान मान बहादुर तामाङले बायाँ विङ्गसबाट गरेको क्रसलाई डाइभिङ हेडर गर्दै ६ यार्ड बक्स भित्रबाट गोल गरेका थिए ।
निर्णायक गोल गरेका त्रिदेव खेलको म्यान अफ द म्याच घोषित भए । उनले ५ हजार रुपैयाँ प्राप्त गरे । शनिबार नेपाल एपीएफ क्लब र मनाङ मर्स्याङदी क्लबले प्रतिस्पर्धा गर्नेछन् ।
प्रतियोगिताको विजेताले ८ लाख १ हजार रुपैयाँ प्राप्त गर्नेछ । उपविजेता टोलीले ४ लाख १ हजारमा चित्त बुझाउनेछ ।
