एजेन्सी – इंग्लिस क्लब चेल्सी र आर्सनलले युरोपा लिग फुटबलको प्रि–क्वाटरफाइनलमा तुलानात्मक रुपमा सहज प्रतिद्वन्द्वी पाएका छन् ।
यूईएफएले शुक्रबार सार्वजनिक गरेको ड्र अनुसार चेल्सी र आर्सनलले सहज प्रतिद्वन्द्वी पाएका हुन् । चेल्सीले युक्रेनी डायनामो किभसँग खेल्नेछ । चेल्सीले माल्मोलाई समग्रमा ५–१ को जित निकाल्दै अन्तिम १६ मा स्थान बनाएको थियो । यस्तै डायनामो किभले ओलम्पियाकोसलाई समग्रमा ३–२ को जित निकालेर अन्तिमा १६ मा स्थान सुरक्षित गरेको थियो । पहिलो लेग चेल्सीको मैदानमा हुनेछ ।
यस्तै आर्सनलले फ्रेन्च लिग वान क्लब रेन्निसलाई विपक्षीको रुपमा पाएको छ । आर्सनलले बाटे बोरिसोभमाथि पुनरागमनसहित समग्रमा ३–१ को तथा रेनिसले स्पेनिस क्लब रियल बेटिसमाथि समग्रमा ६–४ को जित निकाल्दै अन्तिम १६ मा स्थन सुरक्षित गरेको थियो ।
यस्तै पाँच पटकको च्याम्पियन स्पेनिस क्लब सेभिल्लाले चेक क्लब स्लाभिया प्रागसँग खेल्नेछ । यस्तै इटालियन क्लब इन्टर मिलानले जर्मन फ्राङ्फ्रर्टसँग प्रतिस्पर्धा गर्नेछ । पहिलो लेग ७ मार्चमा तथा दोस्रो लेग १४ मार्चमा हुनेछ ।
युरोपा लिग प्रि–क्वाटरफाइनल ‘ड्र’
चेल्सी विरुद्ध डाइनामो किभ
फ्राङ्कफर्ट विरुद्ध इन्टर मिलान
डायनामो जाग्रेब विरुद्ध बेन्फिका
नेपोली विरुद्ध साल्जवर्ग
भ्यालेन्सिया विरुद्ध कास्नोडर
सेभिल्ला विरुद्ध स्लाभिया प्राग
आर्सनल विरुद्ध रेन्निस
जेनिट विरुद्ध भिल्लारियल
