बार्सिलोना (एजेन्सी)– बार्सिलोनाका मिडफिल्डर इभान राकिटिचले आफु स्पेन र बार्सिलोना खुसी रहेको बताएका छन् । यद्दपी उनी इन्टर मिलान जाने हल्ला पनि चलेको छ ।

राकिटिच सन् २०१४ मा सेभिल्लाबाट बार्सिलोना पुगेका थिए । पछिल्लो पाँच सिजन उनी बार्सिलोनाको महत्वपूर्ण हिस्सा रहँदै आएका छन् । त्यस्तै गत वर्ष क्रोएसियालाई विश्व कपको फाइनलमा पर्याउन पनि उनको भूमिका महत्वपूर्ण रह्यो ।

डच युवा खेलाडी फ्रान्की डी जोङ समरमा बार्सिलोना जाने पक्का भएपनि त्यसले आफुलाई दबाब नपरेको राकटिचले बताएका छन् । उनले आफुले अर्को क्लबका बारेमा सोच्नु नपरेको र बार्सिलोना आफ्नो लागि सहि क्लब भएको बताएका छन् ।

‘मलाई स्पेनमा बस्न मन पर्छ,’ उनले भने, ‘दुर्भाग्यवश मलाइ अर्को पासपोर्टका लागि भनिएको छैन । किन की मसँग पहिलै दुईवटा छ । स्पेनको लागि पनि सोधिएको थियो , किनकी म यहाँ ठिक र खुसी छु । ‘

राकिटिचले परिवार पनि बार्सिलोनामा खुसी रहेको बताएका छन् । ‘मेरो परिवार पनि खुसी छन् । मेरो छोरीहरु बार्सिलोनामा राम्रो गरिरहेका छन्, उनले भने, सेभिल्ला देखि पनि सजिक छौं । त्यसैले यहाँ बस्नु मेरो लागि सहि छ । ‘

बार्सिलोनामा राकटिचले उच्च प्रदशन गर्दै आएका छन् । यो सिजनमात्र उनले सबै प्रतियोगिता गरि टोलीका लागि ३८ खेल खेलिसकेका छन् । उनले यो सिजन चार गोल गरिसकेका छन् । जुन टोलीका लागि लियोन मेस्सी र लुइस स्वारेज भन्दा मात्र कम हो । डी जोङ बार्सिलोना पुगेपछि राकिटिचले पहिलो रोजाइमा पर्न संघर्ष गर्नुपर्ने हुन्छ । जोङ चाडै टोलीमा घुलमिल हुने अपेक्षा गरिएको छ ।