काठमाडौं (हाम्रो खेलकुद) – नेपाली राष्ट्रिय पुरुष फुटबल टिमले मलेसिया र कुवेतको राष्ट्रिय फुटबल टोलीसँग मैत्रीपूर्ण खेेल खेल्ने भएको छ । अखिल नेपाल फुटबल संघ (एन्फा) का अनुसार नेपालले यसअघि निर्धारित मलेसियासँगको खेलअघि कुवेतसँग मैत्रीपूर्ण खेल खेल्न लागेको हो ।

एन्फाका अनुसार नेपालले २१ मार्चमा कुवेत र २६ मार्चमा मलेसिया मैत्रीपुर्ण खेल खेल्ने भएको हो । यसअघि नेपालले मलेसियासँग २५ मार्चमा खेल्ने तय भएको थियो । नयाँ प्रशिक्षक योहान कालिनको प्रशिक्षणमा कुवेत विरुद्धको खेल पहिलो खेल हुनेछ । दुवै खेल नेपालले अवे मैदानमा खेल्नेछ ।

नेपालले कुवेतसँग पाँचौ र मलेसियासँग सातौ पटक खेल्न लागेको हो । उनले केहि दिनमै दुई मैत्रीपुर्ण खेलका लागि टिमको घोषणा गर्ने जानकारी दिए । मुख्य प्रशिक्षक योहान कालिनले दुई मैत्रीपुर्ण खेल अनुभव बटुल्ने खेल हुने बताए । ‘युवा खेलाडीहरु थाइल्यान्डमा हुने एएफसी यू–२३ च्याम्पियनसिपका लागि प्रशिक्षणमा व्यस्त छन् । दुवै खेल मेरो लागि महत्वपुर्ण हुनेछ,’ कालिनले भने ।

कालीनलाई किरण श्रेष्ठले सहायक प्रशिक्षकको रुपमा साथ दिएका छन् । कालीन र श्रेष्ठ पछिल्लो समय पोखराको अाहा गोल्डकप र झापा गोल्डकपमा पुगेर केहि खेल अवलोकन गरेका थिए ।