5 years ago
March 8, 2019
एजेन्सी – युइएफए युरोपा लिग फुटबलमा इटालियन क्लब नेपोलीले सहज जित निकाल्दा इंग्लिस क्लब आर्सनलले लज्जास्पद हार बेहोरेको छ ।
युरोपा लिग अन्तरगतको प्रि–क्वाटरफाइनलको पहिलो लेगमा नेपोलीले अष्ट्रियाको साल्जवर्गलाई ३–० ले पराजित गरेको हो । नेपोलीको सहज जितमा अर्कडिउज र फावियनले गोल गरे । एक गोल उपहार पाएको थियो ।
घरेलु मैदानमा बिहीबार राति भएको खेलमा १०औं मिनेटमा अर्कडिउजको गोलबाट नेपोलीले खेलमा अग्रता बनाएको थियो । उनले ड्रिइज मेर्टिन्सको पासमा अफसाइड बिट समात्दै गोल गरेका थिए ।
१८औं मिनेटमा फावियनले जोसे मारिया कालेजोनका पासमा गोल गर्दै अग्रता दोब्बर बनायो । ५८औं मिनेटमा जेरोमीले आत्मघाती गोल गरेपछि नेपोली ३–० ले अघि बढ्यो । त्यसपछि थप गोल निस्कन नसक्दा नेपोली ३–० ले विजयी हुन सफल भयो । दोस्रो लेग साल्जवर्गको मैदानमा १४ मार्चमा हुनेछ ।
युरोपा लिगकै अर्काे खेलमा १० खेलाडीमा समेटिएको इंग्लिस क्लब आर्सनलले फ्रेन्च क्लब रेनिससँग ३–१ को लज्जास्पद हार भोगेको छ । रेनिसको मैदानमा आर्सनलले खेलको चौथो मिनेटमा एलेक्स इओवीको गोलबाट अग्रता बनाएको थियो ।
४१औं मिनेटमा आर्सनल १० खेलाडीमा समेटिन पुग्यो । सोक्रेट्स दोहोरो पहेलो कार्ड खादै मैदान बाहिरिएपछि आर्सनल समस्यामा परेको थियो । ४२औं मिनेटमा बेन्जामिनले गोल गर्दै खेललाई १–१ गोलको बराबरीमा ल्याए ।
६५औं मिनेटमा नाचो मोनरियलले आत्मघाती गोल गरेपछि घरेलु टोलीले खेलमा २–१ को अग्रता बनायो । ८८औं मिनेटमा इस्मैला सारले गोल गर्दै रेनिसलाई ३–१ को जित दिलाए । दोस्रो लेग आर्सनलको मैदानमा १५ मार्चमा हुनेछ ।
युरोपा लिगको अन्य खेलको नतिजा
डायनामो जाग्रिव विरुद्ध बेन्फिका (१–०)
फ्रान्फर्ट विरुद्ध इन्टर मिलन (०–०)
सेभिया विरुद्ध स्लाभिया प्राग (२–२)
जेनिथ सेन्ट पिटर्सवर्ग विरुद्ध भिल्ला रियल (१–३)
चेल्सी विरुद्ध डायनामो (३–०)
भ्यालेन्सिया विरुद्ध एफसी क्रान्सोडर (२–१)
May 8, 2024
एजेन्सी – युरोपेली च्याम्पियन्स लिगको फाइनल प्रवेशका लागि स्पेनिश टोली रियल म्याड्रिड र जर्मन टोली बायर्न म्युनिख आज भिड्दै छन् । रियलको घरेलु मैदान सान्टियागो बर्नाबेउमा हुने दोस्रो लेग आज राती १२:४५ बजे सुरु हुनेछ । बायर्नको घरेलु मैदानमा भएको पहिलो लेग २-२ को बराबरीमा सकिएको थियो । बायर्नले खेलमा रहेको अग्रता अन्तिम तिर गुमाउन […]
May 8, 2024
एजेन्सी – फ्रेन्च टोली पेरिस सेन्ट जर्मेन (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा पुगेको छ। पिएसजीको घरेलु मैदान पार्क डेस प्रिन्सेसमा भएको दोस्रो लेगमा डर्टमुण्डका लागि […]
May 7, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने खतरा बढेपछि युवा तथा खेलकुद मन्त्री बिराजभक्त श्रेष्ठले त्यसमा चासो देखाएका छन् । एसियाली फुटबल महासंघ (एएफसी) ले गत साता गरेको निरीक्षणपछि दशरथ रंगशालाको विभिन्न पक्षमा प्रश्न उठाएको छ । त्यसकारण जेठ २४ गते नेपाल र […]