बिर्तामोड (हाम्रो खेलकुद) – रुस्लान थ्री स्टारलाई टाइब्रेकरमा पराजित गर्दै आयोजक मगमग झापा-११ फुटबल क्लब मगमग झापा गोल्डकपको फाइनलमा प्रवेश गरेको छ । निर्धारित ९० मिनेट र थप गरिएको २० मिनेट समयमा दुवै तर्फबाट गोल हुन नसक्दा खेलको नतिजा टाइब्रेकरबाट लिइएको थियो । टाइब्रेकरमा झापा ३-१ ले विजयी रहयो ।
टाइब्रेकरमा थ्री स्टारका गोलरक्षक एलन न्यौपानेले झापाको सुरुवाती दुई प्रहार बचाएपनि त्यो जित दिलाउन पर्याप्त रहेन । उनले कर्ण लिम्बु र हेमन गुरुङको प्रहार विफल पारेका थिए । थ्री स्टारका लागि रञ्जित धिमालले पहिलो प्रहार गोल गरेपनि बुद्ध चेम्जोङको दोस्रो प्रहार गोलरक्षक दिनेश थापामगरले बचाए ।
त्यसपछि झापाका लागि पुजन उपरकोटी, देवेन्द्र तामाङ र दिनेश थापामगरले लगातार गोल गरे । थ्री स्टारका रुपेश केसीको प्रहार आकसिंदा मिक्छेन तामाङको प्रहारले पनि पोस्टको दिशा लिन सकेन । झापाको गोलरक्षक दिनेश थापामगर खेलको म्यान अफ द म्याच बन्दै १५ हजार रुपैयाँ हात पारे ।
झापाले अब उपाधिका लागि दोस्रो सेमिफाइनलको विजेतासँग सोमबार प्रतिस्पर्धा गर्नेछ । शनिबार हुने दोस्रो सेमिफाइनलमा दाउफिन्स फुटबल क्लब र त्रिभुवन आर्मी क्लबले प्रतिस्पर्धा गर्ने
