6 years ago
March 10, 2019
एजेन्सी – स्पेनिस ला लिगा फुटबलमा शीर्षस्थानमा रहेको बार्सिलोनाले पुनरागमन जित निकालेको छ । बार्सिलोनाले घरेलु मैदानमा पछि परेको स्थितिमा रायो भालेकानामाथि ३–१ को जित निकालेको हो ।
बार्सिलोनाको जितमा जेरार्ड पिके, कप्तान लियोनेल मेस्सी र लुइस स्वारेजले गोल गरे । भालेकानोका राहुल डि टोमसले गोल गरे ।
भालेकानोका राहुलको गोलमा खेलको २४औं मिनेटमा बार्सिलोना पछि परेको थियो । ३८औं मिनेटमा जेरार्ड पिकेले बराबरी गोल फर्काए । मेस्सीको फ्रिकिकमा पिकेले हेडमार्फत गोल गरेका थिए ।
५१औं मिनेटमा कप्तान लियोनेल मेस्सीले पेनाल्टीमार्फत गोल गर्दै बार्सिलोनालाई खेलमा २–१ को अग्रता दिलाए । नेल्सन सेमेडोलाई जोर्डी अमातले लडाएपछि रेफ्रीले भिएआरको सहायतामा बार्सिलोनालाई पेनाल्टीको मौका दिएको थियो । जसलाई मेस्सीले सदुपयोग गरे । ८२औं मिनेटमा लुइस स्वारेजले गोल गर्दै बार्सिलोनालाई ३–१ को जित दिलाए ।
जितसँगै बार्सिलोनाको २७ खेलबाट ६३ अंक पुगेको छ । बार्सिलोनाले दोस्रो स्थानको एट्लेटिको मड्रिडलाई ७ अंकले पछि पारेको छ । मड्रिडको समान खेलबाट ५६ अंक छ । तेस्रो स्थानको रियल मड्रिडको ४८ अंक छ ।
पराजित रायो भालेकानो २३ अंकसहित रेलिगेसन जोनको १९औं स्थानमा छ ।
December 14, 2024
हिमाल खरेल,बिर्तामोड झापाको बिर्तामोडमा शनिवार सुरु भएको प्रथम झापा कप फुटबल प्रतियोगिताको उद्घाटन खेलमा त्रिभुवन आर्मी फुटबल क्लबले विजयी सुरुवात गरेको छ । आर्मीले मोरङको एलएक्स सिटी एफसीलाई ३-० गोल अन्तरले पराजित गर्दै क्वार्टर फाइनलमा स्थान सुरक्षित गरेको हो । आर्मीका लागि राष्ट्रिय टिमका स्ट्राइकरसमेत रहेका नियमित खेलाडी जिलेस्पीजंग कार्की, दिशान्त राई, निरज चौधरीले गोल […]
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
