काठमाडौं – बाँके जिल्ला फुटबल संघको आयोजनामा यती सिमेन्ट नेपालगन्ज गोल्डकप फुटबल बिहीबार नेपालगन्ज रंगशालामा सुरु हुँदैछ ।
वैशाख २३ गतेसम्म चल्ने प्रतियोगितामा ए डिभिजन क्लब सरस्वती, एपिएफ र त्रिभुवन आर्मीको सहभागिता रहेनेछ । प्रतियोगितामा सहभागी अन्य टोलीमा नेपालगन्ज–११, सुदुरपश्चिम–११, रुपन्देही ११, भारतको लखनउ र वेष्ट काठमाडौं एफसी रहेका छन् ।
उद्घाटन खेलमा नेपालगन्ज–११ र सुदूरपश्चिम–११ बीच हुनेछ । प्रतियोतिगाको विजेताले १ लाख ५० हजार र उपविजेताले १ लाख रुपैयाँ पुरस्कार पाउने छन् । पोजिसनका उत्कृष्टले जनही १५ हजार पाउने छन् । नेपालगन्जमा ३५ वर्षअघि भेरी च्यालेन्ज सिल्ड प्रतियोगिता गरिएको थियो । त्यसयता नेपालगन्ज गोल्डकपलाई ठूलो प्रतियोगिताको रुपमा हेरिएको छ ।
