विराटनगर (हाम्रो खेलकुद) – नेपाली महिला राष्ट्रिय फुटबल टोलीले साफ महिला च्याम्पियनसिप फुटबलको उद्घाटन खेलमा भुटानलाई ३-० ले पराजित गरेको छ ।
नेपालका लागि मन्जली कुमारी योन्जनले १३ अौं मिनेटमा अग्रता दिलाएकी थिइन् । उनले पेनाल्टी क्षेत्रको बायाँ भागबाट गरेको प्रहार गोलमा परिणत भएको थियो । त्यसको चार मिनेटमा सावित्रा भण्डारीले एकल प्रयासमा सुन्दर गोल गर्दै अग्रता दोब्बर पारिन् ।
दोस्रो हाफको ५५ अौं मिनेटमा कप्तान निरु थापाको गोलसँगै नेपाल ३-० ले अगाडी बढ्यो । त्यसपछिको समय पनि नेपालले लगातार दवाव बनाएपनि गोल गर्ने अवसरको सदुपयोग गर्न सकेन ।
