विराटनगर (हाम्राे खेलकुद) – पाँचाै महिला साफ च्याम्पियनसिप फुटबलअन्तर्गत साविक विजेता भारत अन्तिम खेलमा श्रीलंकामाथि ५-० को जित दर्ता गर्दै समूह विजेताका रुपमा सेमिफाइनलमा प्रवेश गरेको छ ।
विराटनगरस्थित शहिद रंगशालामा भारतले पहिलो हाफमा नै ४ गोल गरेको थियो । खेलकाे तेस्राे मिनेटमै भारतकी सन्ध्याकाे बक्सबाहिरकाे प्रहार क्रसबारमा लागेर फर्किएकाे बललाई अनमार्क रहेकी ग्रेसले सहजै गाेल गरिन् ।
साताैं मिनेटमा सन्जु यादवकाे पासमा सन्ध्या रंगनाथनले गाेल गर्दै अग्रता दाेब्बर पारिन् । ३६अाैं मिनेटमा इन्दुमतिले गाेल गर्दै भारतलाई पहिलाे हाफमा ३-० काे अग्रता दिलाईन् । ४५अाैं मिनेटमा संगिता वासफाेरेले पेनाल्टीमा गाेल गरेपछि भारत पहिलो हाफमा ४-० ले अगाडी बढ्यो ।
दोस्रो हाफमा ४७ अाैं मिनेटमा रतनबाला देवीले ग्रेसकाे पासमा बक्सभित्रबाट गरेकाे प्रहार सिधै गाेल भएको थियो । त्यसपछि भारतले उल्लेख मुभ बनाउन नसक्दा थप गोल हुन सकेन ।
समूह विजेता बन्दै सेमिफाइनल प्रवेश गरेको भारतले फाइनल प्रवेश रका लागि बंगलादेशको सामना गर्नेछ । श्रीलंकाले अायोजक नेपालसँग प्रतिस्पर्धा गर्नेछ । दुवै सेमिफाइनल खेल बुधबार हुनेछ ।
