5 years ago
March 26, 2019
एजेन्सी – चेल्सीका मिडफिल्डर रोस बार्कलीको दुई गोल मद्दतमा इंग्ल्यान्डले युरो छनोटको दोस्रो खेलमा पनि शानदार जित निकालेको छ । छनोटको पहिलो खेलमा चेक रिपब्लिकलाई ५–० ले पराजित गरेको इंग्ल्यान्डले दोस्रो खेलमा मोन्टेनेग्रोमाथि ५–१ को शानदार जित निकालेको हो । मोन्टेनेग्रोको घरेलु मैदानमा सोमबार राति भएको खेलमा इंग्ल्यान्डले एक गोलले पछि परेको स्थिति उल्ट्याएर जित […]
एजेन्सी – चेल्सीका मिडफिल्डर रोस बार्कलीको दुई गोल मद्दतमा इंग्ल्यान्डले युरो छनोटको दोस्रो खेलमा पनि शानदार जित निकालेको छ ।
छनोटको पहिलो खेलमा चेक रिपब्लिकलाई ५–० ले पराजित गरेको इंग्ल्यान्डले दोस्रो खेलमा मोन्टेनेग्रोमाथि ५–१ को शानदार जित निकालेको हो ।
मोन्टेनेग्रोको घरेलु मैदानमा सोमबार राति भएको खेलमा इंग्ल्यान्डले एक गोलले पछि परेको स्थिति उल्ट्याएर जित निकालेको हो । इंग्ल्यान्डको शानदार जितमा रोस बार्कलीले दुई तथा माइकल किन, ह्यारी केन र रहिम स्ट्रलिङले गोल गरे । मोन्टेनेग्रोका मार्काे भेसोभिकले एक गोल गरे ।
१७औं मिनेटमा मार्काेको गोल गरेपछि इंग्ल्यान्ड खेलमा पछि परेको थियो । तर, घरेलु टोलीको त्यो अग्रता लामो समय टिकेन । ३०औं मिनेटमा रोसको पासमा किनले बराबरी गोल फर्काएपछि इंग्ल्यान्ड खेलमा फर्किएको थियो ।
३९औं मिनेटमा रोस बार्कलीले गोल गरेपछि इंग्ल्यान्डले पहिलो हाफमा २–१ को अग्रता बनायो । उनले चेल्सीका सहकर्मी कलुम हड्सन ओडोईको पासलाई सदुपयोग गरेका थिए । ५९औं मिनेटमा बार्कलीले व्यक्तिगत दोस्रो तथा टिमका लागि तेस्रो गोल गरेपछि इंग्ल्यान्डले खेलमा ३–१ को अग्रता बनायो ।
७१औं मिनेटमा ह्यारी केनले गोल गरेपछि इंग्ल्यान्ड फराकिलो जिततर्फ अग्रसर बन्यो । केनले रहिमको पासलाई सदुपयोग गरेका थिए । ८१औं मिनेटमा रहिमले गोल गर्दै इंग्ल्यान्डलाई ५–१ को हानदार जित दिलाए ।
जितसँगै इंग्ल्यान्ड युरो छनोटको समूह ‘ए’ मा दुई खेलमा ६ अंक जोड्दै शीर्षस्थानमा रहेको छ । पराजित मोन्टेनेग्रो १ अंकसहित चौथो स्थानमा रहेको छ ।
यही समूहको अर्काे खेलमा बुल्गेरिया र कोसोभोले १–१ गोलको बराबरी खेल्दै अंक बाँडे । बुल्गेरिया २ अंकसहित दोस्रो तथा कोसोभो १ अंकसहित तेस्रो स्थानमा छ ।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]