काठमाडौं – सुपर लिगमा पूर्वाञ्चललाई ६–० ले हराउँदै त्रिभुवन आर्मी क्लबले महिला राष्ट्रिय लिगको उपाधि जित्ने सम्भावना मजबुद जनाएको छ ।
एन्फा कम्प्लेक्स सातदोबाटोमा शुक्रबार आर्मीले अन्तिम खेलमा आइतबार एपिएफलाई बराबरीमा रोके पनि उपाधि जित्नेछ । सुपर लिगमा आर्मीले लगतार दुइ खेल जित्दै ६ अंक जोडेको छ । नेपाल पुलिस र एपिएफको समान ३ अंक छ । पूर्वाञ्चलले खाता खोल्न सकेको छैन ।
बल रोक्ने प्रयासमा आर्मीकी खेलाडी ।
आर्मीकी सपना लामा र शर्मिला थापाले समान २ गोल गरे भने कविता धिमाल र इन्दिरा राईले थप गोल गरे ।
सपनाले पहिलो मिनेटमै गोल गरिन् भने कविताले आठौं औं मिनेटमा गोल गरिन् । सपनाले १९ औं मिनेटमा अर्को गोल गरिन् । इन्दिराले ५४ औं मिनेटमा तथा शर्मिलाले ६६ र ९० मा गोल गरिन् ।
सुपर लिगमा आर्मीले साबिक विजेता नेपाल पुलिसलाई ३–२ ले हराएको थियो ।
