7 years ago
April 1, 2019
एजेन्सी – रियल म्याड्रिडले आइतबार स्पेनिस ला लिगा अन्तर्गत हुएस्कालाई ३-२ ले पराजित गर्दै फ्रान्सेली फरवार्ड करीम बेन्जेमाले विजयी गोल गरे । उक्त गोलसँगै बेन्जेमाले ला लिगामा क्रिस्टियानो रोनाल्डो र लिओनेल मेसीले समेत राख्न नसकेको कीर्तिमान कायम गरेका छन् ।
बेन्जेमाले लिगअन्तर्गत हुएस्कासँग गोल गर्दै आफूले सामना गरेको ला लिगाका हरेक क्लबविरुद्ध गोल गर्ने कीर्तिमान कायम गरेका हुन् । झन्डै एक दशक अगाडी रियल म्याड्रिड आएका बेन्जेमाले यसक्रममा ३४ टोलीविरुद्ध खेलेका छन् । उनले हुएस्काविरुद्ध गोल गर्दै ला लिगाको सबै विपक्षी टोलीविरुद्ध गोल गर्ने कीर्तिमान कायम गरेका हुन् ।
बार्सिलोनाका कप्तान लिओनेल मेसीले ला लिगामा ४० क्लबविरुद्ध खेल्दै ३७ टोलीविरुद्ध मात्र गोल गर्न सकेका छन् । उनले क्याडिज, मुर्सिया र हुएस्काविरुद्ध भने गोल गर्न सकेका छैनन् । यसै सिजन रियल म्याड्रिड छाडेका फरवार्ड क्रिस्टियानो रोनाल्डोले भने ३३ टोलीविरुद्ध खेल्दै ३२ टोलीलाई मात्र गोल गरे । उनले लेगानेसविरुद्ध गोल गर्न भने सकेनन् ।
बेन्जेमाअघि ह्युगो स्यान्चेजले ला लिगाका सबै टोलीविरुद्ध गोल गर्ने कीर्तिमान कायम गरेका थिए । उनले त्यसक्रममा ३३ टोलीविरुद्ध खेलेका थिए जुन बेन्जेमाभन्दा १ कम हो । रियलकै पूर्वकप्तान राउल गोन्जालेजले पनि ३५ टोलीविरुद्ध गोल गरेका थिए । तर उनले आफूले सामना गरेका ४ टोलीलाई भने गोल गर्न सकेनन् ।
December 16, 2025
एजेन्सी – म्यानचेस्टर युनाइटेड र एएफसी बर्नमाउथबीच ओल्ड ट्राफोर्डमा भएको खेल ४–४ को रोमाञ्चक बराबरीमा सकिएको छ। खेलमा दुबै टोलीका गरेर ८ फरक खेलाडीले गोल गरे। पहिलो हाफमा युनाइटेडले दुई पटक अग्रता लियो। अमाडले १३ औं मिनेटमा गोल गर्दै युनाइटेडलाई अघि बढाए। बर्नमाउथका एन्टोइन सेमेन्योले ४० औं मिनेटमा बराबरी गोल फर्काए। कासेमिरोले पहिलो हाफको इन्जुरी […]
December 15, 2025
हिमाल खरेल , बिर्तामोड झापा गोल्डकपको सातौँ संस्करण माघ अन्तिम साता हुने भएको छ । अखिल नेपाल फुटबल संघले प्रकाशित गरेको पछिल्लो तालिकाअनुसार झापा गोल्डकप माघ २४ गतेदेखि हुने भएको छ । हालै दिवंगत भएका गोल्डकपका निवर्तमान अध्यक्ष विनोद बस्नेतको स्मृतिमा आयोजना गर्न लागिएको प्रतियोगिता बिर्तामोडस्थित डोमालाल राजवंशी रंगशालामा हुनेछ । प्रतियोगिताको फाइनल खेल फागुन […]
December 15, 2025
एजेन्सी – रियल म्याड्रिडले ला लिगामा अलाभेसमाथि २-१ जित निकाल्दै शीर्ष स्थानको बार्सिलोनासँगको दूरी घटाएको छ। सेल्टा भिगो र म्यानचेस्टर सिटीसँग लगातार पराजय भोगेपछि मुख्य प्रशिक्षक जाबी अलोन्सो दबाबमा थिए । अलाभेसविरुद्ध पनि हार बेहोरेको अवस्थामा ४४ वर्षीय अलोन्सोका पद जोखिममा पर्ने सम्भावना थियो। तर कठिन अवे जितसँगै रियलले लिगको शीर्ष स्थानमा रहेको बार्सिलोनासँगको दूरी […]
