काठमाडौं (हाम्रो खेलकुद) – लिग च्याम्पियन मनाङ मर्स्याङ्दी क्लबले बुधबार एएफसी कप अन्तर्गत समूह चरणको खेलमा अबाहानी ढाकाको सामना गर्दैछ । यसै खेलदेखि मनाङले केल्मीको जर्सी पनि प्रयोग गर्ने भएको छ ।

खेलको पूर्वसन्ध्यामा केल्मीको नयाँ जर्सी सार्वजनिक गरिएको छ । समर्थकहरुका लागि भने यो जर्सी केहि सातापछि मात्र उपलब्ध हुनेछ । मनाङ र केल्मीबिच एक महिनाअघि खेल सामाग्री प्रयोगबारे सम्झौता भएको थियो । सम्झौताअनुसार मनाङले तीन वर्ष अवधिसम्म केल्मीको खेल सामग्री प्रयोग गर्नेछ ।

केल्मीले वार्षिक रुपमा २-२ सेट होम र अवे जर्सी, प्रशिक्षण जर्सी, पोलो टि-सर्ट, मोजा लगायत अफिसियलहरुका लागि आवश्यक टि-सर्ट उपलब्ध गराउनेछ । नेपाली राष्ट्रिय फुटबल टोलीले पनि केल्मीकै खेल सामाग्री प्रयोग गर्दै आएको छ ।

लिग विजेताको हैसियतले मनाङले एएफसी कपमा नेपालको प्रतिनिधित्व गर्दैछ । मनाङ रहेको समूहमा बंगलादेशको अबहानी लिमिटेड, भारतको मिनेर्भा पन्जाब र चेन्नईयन एफसीले प्रतिस्पर्धा गर्नेछन् ।

एएफसी कप समूह चरण खेल तालिका :
३ अप्रिल – विरुद्ध अबहानी लिमिटेड – एन्फा कम्प्लेक्स
१७ अप्रिल – विरुद्ध चेन्नईयन – तय हुन बाँकी
१ मे – विरुद्ध मिनेर्भा पन्जाब – कालिंगा रंगशाला
१५ मे – विरुद्ध मिनेर्भा पन्जाब – एन्फा कम्प्लेक्स
१९ जुन – विरुद्ध अबहानी लिमिटेड – बंगबन्धु रंगशाला
२६ जुन – विरुद्ध चेेन्नईयन – एन्फा कम्प्लेक्स