9 years ago
August 30, 2015
हाम्रो खेलकुद संवाददाता काठमाडौं, भदौ १३ प्रधानमन्त्री सुशील कोइरालाले शनिबार सम्पन्न साफ यु १९ च्याम्पियनसिपको विजेता नेपाली युवा टोलीलाई कप्तान विमल घर्मीमगरमार्फत बधाई दिएका छन् । भारतविरुद्धको सोमबार हुने मैत्रीपूर्ण खेलमा सहभागी हुन यु १९ का अन्य तीन खेलाडीसँगै आइतबार पुने पुगेका विमललाई साँझ टेलिफोनमार्फत फोनमार्फत सफलताको लागि बधाई दिएका हुन् । दुई दशक भन्दा […]
हाम्रो खेलकुद संवाददाता काठमाडौं, भदौ १३
प्रधानमन्त्री सुशील कोइरालाले शनिबार सम्पन्न साफ यु १९ च्याम्पियनसिपको विजेता नेपाली युवा टोलीलाई कप्तान विमल घर्मीमगरमार्फत बधाई दिएका छन् ।
भारतविरुद्धको सोमबार हुने मैत्रीपूर्ण खेलमा सहभागी हुन यु १९ का अन्य तीन खेलाडीसँगै आइतबार पुने पुगेका विमललाई साँझ टेलिफोनमार्फत फोनमार्फत सफलताको लागि बधाई दिएका हुन् ।
दुई दशक भन्दा लामो समयपछि नेपाललाई सफलता दिलाएकोमा युवा टोलीलाई प्रधानमन्त्रीले कोइरालाले विमलमार्फत बधाई दिएको उनका प्रेस सल्लाहकार प्रतीक प्रधानले जानकारी दिएको नागरिक न्युजले उल्लेख गरेको छ । सातदोबाटोमा शनिबार भएको फाइनलमा भारतलाई हराउँदै नेपालले उमेर समूहको उपाधि जितेको थियो । निर्धारित समय १–१ को बराबरीपछि टाइब्रेकरमा नेपाल ५–४ ले विजयी भएको थियो । सन् १९९३ मा बंगलादेशमा छैटौं दक्षिण एसियाली खेलकुदमा नेपालको सिनियर टोलीले स्वर्ण पदक जितेयताकै यो ठूलो सफलता हो ।
बधाईका क्रममा भएको प्रधानमन्त्री कोइराला र विमलको वार्ता उद्धत गर्दै प्रेस सल्लाहकार प्रधानले भने,‘नेपालमा फुटबल लोकप्रिय खेल हो । यसको विकासका लागि सरकारले सक्दो सहयोग गर्नेछ । फुटबलको विकासका लागि सरोकारवालासँग छलफल गर्ने र भारतबाट फर्केपछि युवा खेलाडी प्रतिनिधित्व हुने गरि विमलसँग सुझाव लिइनेछ ।’ विमलसँगै यु १९ का अनन्त तामाङ, अन्जन विष्ट र विश्वास श्रेष्ठ पनि पुने पुगेका छन् । तीन दिनअघि काठमाडौं आइपुगेको नेपाली टोलीका नवनियुक्त वेल्जियन प्रशिक्षक प्याट्रिक ओसेम्स पनि उनीहरुसँगै पुने पुगेका छन् । ६ महिनाको लागि अखिल नेपाल फुटबल संघ (एन्फा) संघ सम्झौता गरेको ओसेम्सले मैत्रीपूर्ण खेल अवलोकनमात्र गर्नेछन् । नेपाल सोमबारको खेलमा ध्रुब केसीकै नेतृत्वमा उत्रनेछ ।
विमलसँगको कुराकानीका क्रममा प्रधानमन्त्री कोइरालाले सोमबारको खेलका लागि समेत शुभकामना दिएका छन् । डिसेम्बरमा हुने साफ च्याम्पियसिपकै तयारीका सिलसिलामा नेपालले भारतसँग मैत्रीपूर्ण खेल खेल्न लागेको हो । नेपालले पछिल्लो पटक ६ महिनाअघि विश्वकप छनोटका दुई खेल खेलेको थियो । गुवाहाटीमा पहिलो लेगमा २–० को नतिजा सुम्पिेको नेपालले घरेलु मैदानमा भएको दोस्रो लेगमा गोलरहित बराबरी खेलेको थियो ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]