आज हुने च्याम्पियन्स लिगको सेमिफाइनल राउन्ड अन्तर्गतको दोस्रो लेगको खेलमा म्यान्चेस्टर सिटीले रियल म्याड्रीडसँग खेल्दै छ । सिटीको मैदानमा भएको पहिलो लेगको खेल ०-० मा अन्त्य भएको थियो । आज हुने खलमा रियल म्याड्रीड्लाई स्पष्ट जित चहिएको छ भने म्यान्चेस्टर सिटीलाई गोल सहितको ड्रले पनि एट्लेटिको म्याड्रीडसँग फाइनलको भेट पक्क गर्नेछ । म्याड्रीडको अर्को टोली म्युनिखलाई पराजित गर्दै फाइनलमा प्रवेश गरेको हो । खेल राती १२:३०मा सुरु हुनेछ ।
रोनाल्डोलाई चिकित्सकले आजको खेलको लागि फिट घोषणा गरेका छन्, म्यान्चेस्टरमा भएको पहिलो लेग उनले चोटको कारण गुमाएका थिए, अर्का फर्वार्ड बेन्जेमा भने चोटका कारण खेल्ने नखेल्ने दुबिधामा छन । उता म्यान्चेस्टर सिटीपनी स्टार मिडफिल्डर डेविड सिल्भा बिनानै हुनेछ, उनि चोट्ग्रस्त छन । पहिलो लेग गुमाएका याया टुरेले सिल्भाको स्थान लिने छन ।
