एजेन्सी – सुपरस्टार फरवार्ड क्रिस्टियानो रोनाल्डोविनै मैदान उत्रिएको युभेन्टसले एसपालसँग पराजित भएको छ ।
युभेन्टस घरेलु टोली एसपालसँग २–१ ल्े पराजित भएको हो । यसँगै युभेन्टसलाई कीर्तिमानी आठौंपटक सिरी ‘ए’ को उपाधि जित्न अर्काे खेल कुर्नुपर्ने भएको छ ।
क्लबले यही बुधबार आयाक्सविरुद्धको च्याम्पियन्स लिगको क्वाटरफाइनलको दोस्रो लेगका लागि रोनाल्डोलाई विश्रामा दिएका थिए । तर, प्रशिक्षकको यो निर्णय गलत सावित भयो ।
युभेन्टसले सुरुआती अग्रता जोगाउन नसक्दा स्पालसँग अंक गुमाउन बाध्य भयो । मोइस केनको गोलबाट युभेन्टसले खेलको ३०औं मिनेटमा अग्रता बनाएको थियो । केभिन बोनिफिजाइले इन्ज्युरी समयमा गोल फर्काएपछि पहिलो हाफ १–१ गोलको बराबरीमा सकिएको थियो ।
तर, ७४औं मिनेटमा सर्जियो फोल्जारीले गोल गरेपछि युभेन्टसले उपाधिका लागि अर्काे खेल कुर्नुपर्ने भएको हो । आइतबार नापोली कालगिरीसँग पराजित भएमा युभेन्टसले उपाधि जित्ने छ ।
युभेन्टस सन २०११ देखि लगातार सिरी ‘ए’ च्याम्पियन बन्दै आएको छ । युभेन्टसको ३२ खेलबाट ८४ अंक रहेको छ । जुन दोस्रो स्थानको नेपोलीको भन्दा २० अंकले बढी हो ।
