काठमाडौं (हाम्रो खेलकुद) – ‘ए’ डिभिजन लिग च्याम्पियन सिग्नेचर मनाङ–मर्स्याङदी क्लब एएफसी कप २०१९ का लागि आइतबार भारतको अहमवाद प्रस्थान गरेको छ ।
आइतबार अहमवाद प्रस्थान गरेको मनाङ सुरुमा दिल्ली हुँदै खेल स्थल गुजरात पुग्नेछ । एएफसी कपको दोस्रो खेलमा नेपालले इन्डियन सुपर लिग (आइएसएल) च्याम्पियन चेन्नईयन एफसीसँग खेल्ने तालिका छ । नेपाल र चेन्नाईबीचको खेल १७ अप्रिलमा उसकै मैदानमा प्रतिस्पर्धा गर्दैछ ।
होम एण्ड अवेको आधारमा हुने लिगको विजेताले इन्टर जोन प्ले अफको सेमिफाइनलमा स्थान बनाउनेछ । मनाङको समूहमा चेन्नईयन, मिनेर्भा पन्जाव र ढाका अवहानी लिमिटेड रहेको छ ।
मनाङ पहिलो खेलमा बंगलादेशको अवहानी लिमिटेडसँग घरेलु मैदानमा १–० ले पराजित भएको थियो । चेन्नईयन र मिनेर्भा पन्जाबको खेल भने गोलरहित बराबरीमा सकिएको थियो ।
