default_image

5 years ago

April 21, 2019

कार्डिफलाई पराजित गर्दै लिभरपुल पुनः शीर्षस्थानमा

एजेन्सी – कार्डिफ सिटीलाई पराजित गर्दै लिभरपुल इंग्लिस प्रिमियर लिग फुटबलको शीर्षस्थानमा उक्लन सफल भएको छ । प्रिमियर लिग अन्तरगत आइतबार राति भएको खेलमा लिभरपुलले कार्डिफ सिटीलाई उसकै मैदानमा २–० ले पराजित गर्दै लिगको शीर्ष स्थानमा उक्लन सफल भएको हो । जितसँगै लिभरपुलले दोस्रो स्थानको म्यानचेस्टर सिटीलाई २ अंकले पछि पारेको छ । यद्दपि सिटीले […]

35 views

0 Bookmark

एजेन्सी – कार्डिफ सिटीलाई पराजित गर्दै लिभरपुल इंग्लिस प्रिमियर लिग फुटबलको शीर्षस्थानमा उक्लन सफल भएको छ ।

प्रिमियर लिग अन्तरगत आइतबार राति भएको खेलमा लिभरपुलले कार्डिफ सिटीलाई उसकै मैदानमा २–० ले पराजित गर्दै लिगको शीर्ष स्थानमा उक्लन सफल भएको हो ।

जितसँगै लिभरपुलले दोस्रो स्थानको म्यानचेस्टर सिटीलाई २ अंकले पछि पारेको छ । यद्दपि सिटीले एक खेल कम खेलेको छ । लिभरपुलको ३५ खेलबाट ८८ तथा ३४ खेलबाट ८६ अंक छ ।

कार्डिफ सिटी स्टेडियममा लिभरपुलले खेलभर नै कार्डिफलाई दवावमा राखेपनि गोल गर्नको लागि निकै संघर्ष गर्नुपरेको थियो । पटक–पटकको प्रयास लगातार विफल भइरहँदा लिभरपुलले गोलको लागि दोस्रो हाफ कुर्नुपरेको थियो । ५८औं मिनेटमा जर्जिन्हो विज्नल्डमले ट्रेन्ट एलेक्सन्डर अर्नाेल्डको पासमा गोल गर्दै लिभरपुललाई अग्रता दिलाएका थिए ।

८१औं मिनेटमा जेम्स मिल्नरले पेनाल्टीमार्फत गोल गर्दै लिभरपुललाई २–० को जित दिलाए । मोहम्मद सलाहको प्रहारलाई रोक्न खोज्दा मोरिसनले बक्सभित्र ह्यान्ड गर्न पुगेको थियो । त्यसमा मिल्नर चुकेनन् ।

हारसँगै कार्डिफ सिटीको रेलिगेसनमा पर्ने सम्भावना बढेको छ । कार्डिफ रेलिगेसन जोनको १८औं स्थानमा छ । ब्राइटन रेलिगेसन जोनको ठीक माथि रहेको छ ।

प्रिमियर लिगकै अर्काे खेलमा आर्सनल क्रिस्टल प्यालेससँग ३–२ को गोल अन्तरले पराजित भएको छ । क्रिस्टल प्यालेसको जितमा क्रिस्टियन बेन्टेके, विलफ्रिड जाहा र जेम्स अर्थरले गोल गरे । आर्सनलका मेसुट ओजिल र पिएरे हेनरिक मिख्टारियले गोल गरेपनि टोलीको हार टार्न सकेन ।

हारपछि आर्सनलले तेस्रो स्थानमा उक्लने मौका गुमाएको छ । आर्सनलको ३४ खेलबाट ६६ अंक रहेको छ । ६७ अंकसहित टोटेनहम तेस्रो स्थानमा छ । क्रिस्टल प्यालेस ४२ अंकसहित १२औं स्थानमा छ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.