पहिलो लेगमा भिल्लारियल विरुद्ध १-०ले पछि परेको अवस्थालाई उल्ट्याउदै लिभरपुलले ३-०को जित दर्ता गरेर युरोप लिगको फाइनलमा स्थान पक्का गरेको छ|
लिभरपुलको घरेलु मैदान एनफिल्डमा हिजो रति भएको खेलमा लिभरपुलले सातौं मिनेटमा ब्रुनो सोरियानोको आत्मघाती गोलको मद्दतले समग्र स्कोर १-१ पार्यो| पहिलो हाफ १-० मै अन्त्य भएको थियो|
दोश्रो हाफको मध्यतिर ड्यानिएल स्टरिजले गोल गर्दै लिभरपुललाइ अग्रता दिलाए| खेलको ७१औं मिनेटमा दोश्रो पहेंलो कार्ड पाएपछि भिक्टर रुइज रातो कार्ड खादैं मैदान बाहिरिए र भिल्लारियल दश खेलाडीमा सिमित भयो| त्यसको फाइदा उठाउदै एडम लाल्लानाले ८१औं मिनेटमा गोल गर्दै लिभरपुलको जित पक्का गरे|
यसैगरी हिजै भएको अर्को सेमी फाइनलमा सेभिलाले शाख्तर दोनेस्कलाई ३-१ ले पराजित गर्दै समग्रमा ५-३को जित दर्ता गर्यो| सेभिलाको लागि केभिन गमेरियोले दुइ गोल गरे भने मरियानोले अन्तिम गोल थपे| पराजित टोलि शाख्तरको लागि इदुआर्दोले गोल गरेका थिए|
