एभर्टन विरुद्ध ३-१को सहज जित दर्ता गर्दै लेस्टर सिटि फुटबल क्लबले इंग्लिश प्रिमिएर लिग २०१५/१६को उपाधि उचालेको छ|
गत हप्ता चेल्सी र टोटेनहमले २-२को बराबरी खेलेपछि उपाधि पक्का भएको लेस्टरले हिजो घरेलु मैदान किंग पावर स्टेडियममा उपाधि उचालेको हो| कप्तान वेस मोर्गन र म्यानेजर क्लाउडियो र्यानेरीले संयुक्त रुपमा उपाधि उचालेका थिए|
एभर्टनविरुद्ध लेस्टरको जितमा जेमी भार्डीले दुइ गोल तथा एन्डी किंगले एक गोल गरे| एभर्टनका लागि केभिन मिरलासले सान्त्वना गोल गरेका थिए|