नेपाली राष्ट्रिय टोलिका फरवार्ड एवं यु-१९ टोलीका कप्तान विमल घर्ति मगर भोलि युरोप प्रस्थान गर्दै छन्|
अखिल नेपाल फुटबल संघले गत महिनानै उनि युरोप जाने बताएपनि चोटका कारण मगर नेपालमै बसेका थिए| तर चोटमुक्त भएका बिमल अब आफ्नो व्यावसायिक करिअर सुरु गर्न युरोप लागेका हुन्|
आगामी जुन १० देखि युरो कप २०१६ सुरु हुने भएकाले युरोपमा सिजन केहि ढिला सुरु हुने र उनको अहिलेको बसाई पनि छोटो हुने बुझिएको छ| विभिन्न क्लबहरुबाट उनलाई अनुबन्धनको लागि सम्पर्क भएको पनि जानकारीमा आएको छ|
बिमलले गत साता मात्र प्रथम सताक्षि गोल्डकपमा घरेलु टोलि झिलझिलेको प्रतिनिधित्व गर्दै गोल गरेका थिए| उनले नेपालको बसाईंमा पुलिसबाट बिराट गोल्डकप जिते भने थ्री स्टार र आर्मी क्लबबाट पनि एक-एक प्रतियोगितामा सहभागिता जनाए|
