‘खुसीसाथ बार्सिलोना जाँदैछु’ – फ्रान्की

एजेन्सी – आयाक्सका मिडफिल्डर फ्रान्की डे जोङले सिजनको अन्त्यसँगै नयाँ क्लब बार्सिलोना जाँदा आफू खुसी रहेको बताए ।

आइतबार डच लिग अन्तर्गत सिजनको अन्तिम खेलमा उट्रेक्टविरुद्ध ४-१ को जित दर्ता गर्दै आयाक्सले लिग उपाधि लगभग पक्का गर्यो । घरेलु मैदान योहान क्राएफ एरिनामा उत्कृष्ट जित दर्ता गरेपछि फ्रान्कीले आयाक्समा सुखद अन्त्य गरेका छन् । च्याम्पियन्स लिगमा टोटेनहम हट्सपुरसँग इन्ज्युरी समयमा गोल खाएपछि नाटकीय हार बेहोरेको आयाक्सले लिग उपाधिमा भने कुनै गल्ति गरेन ।

‘मेरो लागि यो समय निकै उत्कृष्ट रहयो । अब म खुसीसाथ बार्सिलोना जानेछु,’ फ्रान्कीले भने, ‘ यो सिजन निकै राम्रो रहयो । यद्यपि हामीले तीन उपाधि जितेर अझै राम्रो बनाउन सक्थ्यौं तर सफल हुन सकेनौं । मैले लिभरपुल र बार्सिलोनाको खेल हेर्दा मेरो आवश्यकता हुनेछ भन्ने यकिन गर्न सकिन । तर बार्सिलोना फाइनल पुगेको भए उपाधिमा ह्याट्रिक गर्ने पक्का थियो ।’

बार्सिलोनाले फ्रान्कीलाई भित्र्याउन ७५ मिलियन युरो खर्चेको हो । युरोपका अन्य ठूला क्लबले पनि उनलाई पछ्याइरहँदा बार्सिलोनाले मोटो रकम खर्चेर ५ वर्षको लागि सम्झौता गरेको हो । सिनियर टोलीबाट डेब्यु गरिसकेका २२ वर्षीय मिडफिल्डरले बार्सिलोनाको पहिलो रोजाईमा पर्न भने केहि संघर्ष गर्नुपर्ने देखिन्छ ।

‘खुसीसाथ बार्सिलोना जाँदैछु’ – फ्रान्की

Latest News

Popular News

फुटबल

झापा कपमा आर्मीको विजयी सुरुवात

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

चर्चित खेलहरु:

उपयोगी लिङ्कहरू

सम्पर्क

सामाजिक संजाल