एजेन्सी– रोविन भान पर्सीका लागि व्यवसायिक फुटबल जीवनको अन्तिम खेल विशेष रह्यो । उनका लागि विशेष टिसर्ट तयार पारिएको थियो । उनले खेल जीवनमा बिताएका सबै चार क्लबको जर्सीको टुक्रा जोडेर नयाँ जर्सी बनाइएको थियो ।

यद्दपी उनको खेल जीवनको अन्त्य क्लबको हारबाट भएको छ । उनको टोली फेयनोर्ड एडो डेन हागबाट २–० ले पराजित भएको थियो । खेलको इन्जुरी समयमा परिवर्तन गरिएका भान पर्सीले गार्ड अफ अनर पाएका थिए । उनलाई समर्थकहरुले निकै आत्मिय सम्मान देखाएका थिए ।

नेदरल्यान्ड्सको खेल सामाग्री उत्पादन कप्तानी ब्लाड इन ब्लडले भान पर्सीका लागि विशेष जर्सी तयार पारेको थियो । उनले सिनियर लेभलमा खेलेका सबै क्लबको जर्सीको प्रयोगमा नयाँ जर्सी बनाइएको थियो ।

जसमा म्यानचेस्टर युनाइटेडको सन् २०१२ /१३ को घरेलु मैदान खेल्दा लगाइएको जर्सीको प्रयोग गरिएको थियो भने आर्सनलको २००७ /०८ को अवे जर्सीको प्रयोग गरिएको थियो । त्यस्तै फेनरवाच र फेयनोर्डको परम्परागत घरेलु जर्सीको प्रयोग गर्दै नयाँ जर्सी तयार पारिएको थियो ।

फेयनोर्डबाट खेल जीवनको सुरुवात गरेका भान पर्सी २०१८ को जनवरीमा पुन सोही क्लब फर्केका थिए । उनले दोस्रो पटक पनि क्लबमा निकै प्रभाव जमाए । उनले ४९ खेलका खेल्ने क्रममा २५ गोल गरे ।

प्रिमियर लिगमा उनी सबै भन्दा बढी गोल गर्ने डच खेलाडी बने । आर्सनल र युनाइटेडका लागि गरेर उनले १ सय ४४ गोल गरेका थिए । २००४ मा उनले फेयनोर्डबाट आर्सनलको यात्रा तय गरेका थिए । जहाँ उनले ८ वर्ष बिताए । आर्सन वेङ्गरको प्रशिक्षण्मा उनले एफए कप जितेका थिए । त्यसपछि उनी २०१२ मा युनाइटेड पुगे ।

प्रशिक्षकका रुपमा एलेक्स फर्गुसनको अन्तिम वर्ष युनाइटेडले लिग उपाधि जित्दा भान पर्सी त्यसको महत्वपूर्ण सदस्य थिए । २०१५ मा उनले युनाइटेड छाडे र तीन वर्षका लागि टर्कीस क्लब फेनरवाचमा आबद्ध भए । त्यसपछि उनी बाल्यकालको क्लब फर्के ।

नेदरल्यान्डका लागि पनि उनी सफल खेलाडीका रुपमा रहे । देशका लागि १ सय २ खेल खेल्दै उनले ५० गोल गरेका थिए । दक्षिण अफ्रिकामा २०१० भएको विश्व कपको फाइनलमा उनी सम्मिलित नेदरल्यान्ड्स टोली स्पेनसँग १–१ ले पराजित भएको थियो । उनले सन् २०१४ विश्वकपमा तत्कालिन विश्व च्याम्पियन स्पेनविरुद्ध गरेको डाइभीङ हेडर गोलले विश्व फुटबलमा निकै चर्चा बटुलेको थियो ।