एजेन्सी – युरोपेली फुटबलका अधिकांश लिगहरु समाप्त भइसकेका छन् । केहि लिगका अन्तिम चरणको खेल बाँकी रहेपनि लिग उपाधिको भने टुंगो लागिसकेको छ । यसपटक युरोपको शीर्ष पाँच लिगमा पुरानै च्याम्पियन दोहोरीए ।

युरोपेली फुटबलको इतिहासमै पहिलो पटक युरोपको शीर्ष ५ लिगमा च्याम्पियन टोली दोहोरीए । फ्रान्स, इंग्ल्यान्ड, स्पेन, जर्मनी र इटालीका च्याम्पियनले पछिल्लो सिजन पनि लिग जितेका थिए । इंग्ल्यान्ड र जर्मनीमा लिगको अन्तिम दिन उपाधि छिनोफानो भएको थियो भने फ्रान्स , स्पेन र इटालीमा केहि साताअघि नै उपाधि टुंगो लाग्यो ।

इंग्लिस प्रिमियर लिग :
२०१७/१८ : म्यानचेस्टर सिटी – म्यानचेस्टर युनाइटेडभन्दा १९ अंक र स्पर्सभन्दा २३ अंक अगाडी
२०१८/१९ : म्यानचेस्टर सिटी – लिभरपुलभन्दा १ अंक र चेल्सीभन्दा २६ अंक अगाडी

इटालियन सिरी ए :
२०१७/१८ : युभेन्टस – नेपोलीभन्दा ४ अंक र रोमाभन्दा १८ अंक अगाडी
२०१८/१९ : युभेन्टस – (१ खेल बाँकी) नेपोलीभन्दा ११ अंक अगाडी र एटलान्टाभन्दा २४ अंक अगाडी

जर्मन बुन्डेसलिगा :
२०१७/१८ : बायर्न म्युनिख – सालकाभन्दा २१ अंक र होफेनहाइमभन्दा २९ अंक अगाडी
२०१८/१९ : बायर्न म्युनिख – डर्टमुन्डभन्दा २ अंक र आरबी लाइपजिगभन्दा १२ अंक अगाडी

फ्रान्सेली लिग १ :
२०१७/१८ : पीएसजी – मोनाकोभन्दा १३ अंक र लियोनभन्दा १५ अंक अगाडी
२०१८/१९ : पीएसजी – (१ खेल बाँकी) लिलभन्दा १६ अंक र लियोनभन्दा २२ अंक अगाडी

स्पेनिस ला लिगा :
२०१७/१८ : बार्सिलोना – एटलेटिकोभन्दा १४ र रियल म्याड्रिडभन्दा १७ अंक अगाडी
२०१८/१९ : बार्सिलोना – एटलेटिकोभन्दा ११ र रियल म्याड्रिडभन्दा १९ अंक अगाडी