काठमाडौं (हाम्रो खेलकुद)-– इमाडोल युवा क्लबले राजधानीमा जारी सहिद स्मारक ‘सी’ डिभिजन लिगको छनोट चरणमा फराकिलो जित निकाल्दा सरस्वतीनगरले लगातार दोस्रो जित निकालेको छ ।
सातदोबाटोस्थित एन्फा कम्पलेक्सको खेल मैदानमा बिहीबार भएको खेलमा इमाडोलले ललितपुर ४ युनिफाइड भर्सिटी स्पोर्टस् क्लबमाथि ५–१ को फराकिलो जित निकालेको हो । इमाडोलको फराकिलो जितमा सुशान्त श्रेष्ठले ह्याट्रिक तथा क्रिजल खड्काले दुई गोल गरे । ललितपुरका कुन्साङ गुरुङले एक गोल फर्काए ।
बिहीबारै भएको अर्काे खेलमा सरस्वतीनगरले पञ्चकुमारी युवा क्लबलाई १–० ले हरायो । सरस्वतीको जितमा निशान माझीले गरेको एक गोल निर्णायक बन्यो । सरस्वती नगरको यो दोस्रो जित हो ।
यसअघि सरस्वती नगरले पहिलो खेलमा एफसी सी एसमाथि २–० को जित निकालेको थियो । छनोट लिगमा शुक्रबार दुई खेल हुनेछ । दुवै खेल बुद्धिबिकास खेल मैदान लगनखेलमा हुनेछ ।
